البلد : الهواية : الجنس : mms : عدد المساهمات : 27
موضوع: انا وصحبتي السبت يونيو 12, 2010 3:37 pm
السلام عليكم ورحمة الله وبركاته اخواتي النانيهات النهردة حبيت ادخل بعضوية المتخفية عشان افضفض معاكم شوية واقولكم علي اللي مضايقني الموضوع يخص علاقتي بصحبتي صديقة الطفوله والصبا صحبتي اتعرفت عليها وانا في اولي ابتدائي كانت قاعدة جنبي في نفس الفصل وحبيتها اوي واتعلقت بيها وبقت اكتر من اختي كنت بروح عندها البيت باستمرار وكنت بحب مامتها واختها جدا وبحس انهم عيلتي كانت تعرف عني كل حاجة كنت بكلمها كاني بكلم نفسي انا والدى سافر الخارج للشغل وكنت مدلعه ع الاخر كنت بلبس كل لبسي من الخارج رفاهية ملهاش مثيل اما صحبتي كان والدها متوفي واخوها الكبير هو المشسئول عن اسرتها فضلت صداقتنا مستمرة حتي بعد جوازي اتجوزت قبلها بتلات سنين كنت كل مااروح لامي لازم ازورها حتي بعد لما خلفت ولادي الاتنين كنت بروح وهما معايا واطمن عليها وطبعا كنا بنتكلم في التليفون باستمرار وبعد جوازها نويت اروح ابارك لها لقيتها بتتصل بيا وبتقولي ان جوزها مش بيحب حد يزورها قلت خلاص كل واحد حر واستمرت علاقتنا عن طريق التليفون كنا بنتكلم مع بعض تقريبا كل يوم وفي يوم كلمتني واشتكت من معاملة جوزها ومعاملة اخوها ولاول مرة اعرف الحرمان اللي كان معيشها فيه وانه كان بيبخل عليها باي حاجة مكنتش بتحكيلي عن الكلام ده وقالتلي انا كنت بحقد عليكي وبحسدك وساعات من كتر معاملة اخويا الوحشة ليا وكرهه ليكي عشان مستواكي كان احسن مني كنت بكرهك حطوا تحت الكلام ده كام خط طبعا كلامها كان مفاجأة بالنسبة لي مكنتش متصورة اني كنت مخدوعة فيها كل السنين دى اول مرة اسمع الكلام ده يعني كنت بروح عندهم وانا غير مرغوب فيا وكانوا بينافقوني انا مش حاسة وكنت بعتبرهم اهلي وبعتبرها اختي كلامها جرحني وزعلني ومن وقتها انا مش قادرة امسك السماعة واكلمها ساعات بحن ليها وببقي عايزة اطمن عليها بس نفسي مش مطوعاني هي لسه بتكلمني في التليفون بس لما لقيتني منعت نفسي عنها ومش بكلمها ققلت كلامي معاها هي كمان بقت بتكلمني كل فترة ياتري لو انتوا مكاني وحصل معاكم نفس الموقف هيكون ايه رد فعلكم هل هتقدروا تنسوا بسرعة وتستمر علاقتكم زي الاول ولا انا مزوداها شوية والموضوع ما يستاهلش لان بجد الموضوع ده مأثر في نفسيتي اوي عايزة اعرف ممكن تتصرفوا ازاي لو انتوا في نفس الموقف بستني ردودكم ومشاركاتكم
موضوع: رد: انا وصحبتي الأحد يونيو 13, 2010 10:32 pm
والله حبيبتى مش عارفة اقولك ايه حتى صداقة العمر بقا فيها غش ونفاق ايه الانسانه اللى عمرها ما ندمت فى يوم من الايام وتصرحلك بحقيقة صداقتها ليكى على العموم حبيبتى الله نور بصيرتك واتعلمتى والافضل تشوفى حالك وحال بيتك واولادك لان دول الثواب الاكببر والكنز الذى لا يفنى بل محفور فى القلب وقلبى معاكى
alaam نانى لامعه
البلد : الهواية : الجنس : عدد المساهمات : 1753 خدمات المنتدى مشاركة الموضوع: مشاركة
موضوع: رد: انا وصحبتي الإثنين يونيو 14, 2010 2:59 pm
ماما دايما بتنصحني وبتقول سيبي كل حاجة للزمن هو يصلحها وبقولك نفس الكلام سيبي كل حاجة للزمن وهو يصلح كل حاجة انتي واضح ان قلبك ابيض خليكي زي ما انتي مش هاتخسري حاجة وراقبي الزمن وشوفيه هايعمل ايه
نودى نانى محدش قدها
البلد : الهواية : الجنس : mms : عدد المساهمات : 3788
موضوع: رد: انا وصحبتي الإثنين يونيو 14, 2010 11:22 pm
انا مع الام فى رائيها سيبى كل حاجة للزمن بس بصراحة انا مستغربة اوى انها تكلمك وتقولك دة كانة حاجة عادية حتى لو بتشتكى من جوزها واخوها
صفا الجزائريه نانى متألقه
البلد : الهواية : الجنس : عدد المساهمات : 334 خدمات المنتدى مشاركة الموضوع: مشاركة
موضوع: رد: انا وصحبتي الأربعاء يونيو 16, 2010 1:12 pm
ماشاء الله نصائح النانوات في محلها ، ويمكن أن اضيف شيء و اقولك أن الانسان الحقود و الحسود والغيور ، يبقى انسان مريض وميحبش الخير لغيروا و لذلك من الافضل أننا نبتعدوا عنوا ونتجنب شره وكما يقال اتقي شر من احسنت له ، وكما قلتلك راجية بصي لبيت و عائلتك واحمدي الله انك كشفتها على حقيقتها ، وان شاء الله يوفقك ربنا ويعوضك صحبه افضل منها .
اسما اياد نانى جديده
البلد : الهواية : الجنس : عدد المساهمات : 2
موضوع: رد: انا وصحبتي الثلاثاء سبتمبر 07, 2010 11:17 am
يا حبيبتى ملخص الكلام مفيش اصحاب فى الزمن ده وحفظى على اسرار بيتك
ساره مصطفي نانى مستعده للانطلاق
البلد : الهواية : الجنس : عدد المساهمات : 72
موضوع: رد: انا وصحبتي الثلاثاء سبتمبر 21, 2010 9:55 pm
خليكي في حالك واحمدي ربنا ان ربنا وراكي بعيونك وسمعك اللي مكنتيش ح تسمعيه لو انتي مش شخصيه كويسه ابعدي بس ما تقطعيش بمعني لو هي جت اواتصلت اتكلمي عادي ومتخليهاش محور اهتمامك ربنا يوفقك ويرزقك الصحبه الصالحه