السلام عليكم
كل سنة وإنتم طيبين
النهاردة جايبالكم وصفة اللانشون البيتي وطعمه مايختلفش عن بتاع برا خاااااااااااااااالص
ونضيف وضامنة مكوناته ومش هتخافي علي بيتك وأولادك وانتي بتأكليهم اللانشون
هاتي ورقة وقلم وإكتبي الوصفة دي
المقادير
4 بيضات
4 قطع جبنة نستو
4 ملاعق دقيق
2 مكعب مرقة دجاج أو لحمة
1/4 كوب زيت
1/4 ملعقة روز ماري
1/4 ملعقة كبيبة صيني
القليل من دم الغزال ( وهذا إذا وضعتي مرقة لحمة حتي يأخذ اللون الأحمر ) وإذا استخدمتي مرقة دجاج ضعي القليل من الكركم
2 فص توم مدقوق
الطريقة
تخلط جميع المقادير في الخلاط
وبعد إخراجه من الخلاط أضيفي بعض الزيتون الأخضر المقطع والفلفل الأسود
يحضر كيس شفاف ويربط من أسفل
توضع المقادير في الكيس
ويصرف الهواء من الكيس ويربط بخيط قوي
ضعي ماء ليغلي علي النار
وبعد غليان الماء أضيفي الكيس المربوط جيدا داخله حوالي 45 دقيقة أو أقل
وبعد أن تخرجيه من الماء يترك لبرد ويقطع ويقدم
وبالهناء والشفاء
وعلي فكرة الوصفة دي لسة مجرباها دلوقتي وقولتها لكل القرايب والأصحاب وجربوها وعجبتهم
وطعمه مايختلفش خالص عن بتاع برا
وعلي الأقل مضمووووووووووووون 100 %
وكل اللي عاوزة تنقل الموضوع تنقله علشان تفيد كل الناس