بسم الله الرحمن الرحيم
حبيت انقل لكم هذا الموضوع

ارتبطت القهوة العربية بالكرم والشهامة والقبيلة وارتبطت أيضاً بمقولة " خذ فنجال وعلوم رجال "

فمن منا مايحب القهوة ؟

الكل تقريباً يشرب القهوة العربيـة بشكل يومي ..ولكن قليل اللي يعرفون أسمـاء فناجيل القهوة ؟؟؟



الفنجـال الأول ( الهـيف ) :

وهو الفنجال اللي يشربه المعزِّب أو المضيف قبل مايمد القهـوة لضيوفه..

قديماً : كانت توجد هالعادة عند العرب ليأمن ضيفهم من أن تكون القهوة مسمومة (!!!!)

حديثاً :

جرت هالعادة ليختبر المعزِّب جودة وصلاحية القهوة قبل تقديمها إلى الضيوف خوفا من أن تكون "صايدة"

( فيلحقه حق ) كبير يقدمه لضيوفه وإلا بيلحقه العـار ويصبح محلاً للسخرية عند الآخرين ..

* القهوة الصـايدة :

هي القهوة اللي لحقها الأذى من طعم غريب أو جسم غريب

أو كأن يعملها شخص على نجاسة ...الخ

وكان البدو الأولين يعرفون ويميزون القهوة الصايـدة وقلـة من الأشخاص في وقتنا الحالي هم كذلك ،،،






الفنجـال الثاني ( الضـيف ) :

وهو الفنجـال الأول اللي يقدم للضيف وهو واجب الضيافـة و كان الضيف قديماً في البادية مجـبرا على شربه ..

إلا في حالـة العداوة أو أن يكون للضيف طالب طلب صعب وقوي عند المضيف فكان ما يشربه إلا بعد وعـد من المضيف أو المعزِّب بالتلبية .. وقد كان من عظائم الأمـور أن يجي ضيف لبيتك وما يشرب فنجالك إلا بعد تلبية طلبه.. فتكون مجـبر على التلبيـة وإلا لحق بك العـار عند النـاس ..





الفنجـال الثالث ( الكـيف ) :

وهو الفنجـال الثاني اللي يقدم للضيف

وهو مهوب مجـبور على شربه وما يضر المضيف إذا ما شربه الضيف .. هالفنجال إنما هو مجـرد تعديل كيف ومزاج الضيف وهو أقل فناجيل القهـوة قـوة في سلوم العرب..





الفنجـال الرابـع ( السـيف ) :

وهو الفنجـال الثالث اللي يقدم للضيف ..

وهالفنجـال غالبـاً ما يتركـه الضيف وما يشربه .. لأنه أقـوى فنجـال قهـوة عند عرب الباديـة .. لأنه اذا شربه الضيف فمعناه أنه مع المضيف في السـراء والضـراء ومجـبر على الدفـاع عنه بحـد السـيف ، وشريكه في الحـرب والسلم فيعادي من يعاديه ويتحالف مع حلفـاؤه حتى وإن كان من بين حلفائه من هم أعداء له في الأصل ( أعداء الضيف ) ..
فقد كان هالفنجـال عبارة عن عقد تحـالف عسكري ومدني وميثاق أمني مابين الضيف والمضيف وقد كان هذا الوضـع يحمِّل العرب أمور عظيمة ويواجهون الموت والدمـار بسببه فلذلك كانوا يتحاشـونه ويتحاشون شربه ..



أما شرب أكثر من 3 فناجـيل فعادة يعملها أهل وذوي صاحب القهوة وأفراد قبيلته وأنسابه واهل الدم منهم ،،




الفنجال الخامس ( الفارس )

فهذا الفنجال يقدمه اللي يطلب شخص ما بدم أو ثأر أو ماشابه .. إن كان شيخ القبيلة أو كبير في السن أو إمرأة .. يجمع شباب القبيلة وفرسانها .. ثم يصب القهوة في الفنجال ويرفعه فوق على رؤوس الأشهاد وأمام الجميع
ويقـول : هــذا فنجـال فـلان بن فـلان .. من يشربـه ؟؟

يعني من ياخذ بحقنا أو ثأرنا أو دمنا منه ؟

فيقوم أحد فرسان القبيلة

ويقـول : أنا له وياخذ الفنجـال ويشربـه .. فاذا شرب الفنجال كأنه شرب من دم المطلوب

ويذهب في طلب هذا الشخص أو هذا الحق ..

وما يرجع لقبيلته إلا بعد إحضـار الدليل على أنه انتقم لصاحب الفنجـال من

الشخص المطلوب أو جاء بالحق لهم

اما اذا ما جاب المطلوب فله أحد خيارين :

إما أن يبتعد عن قبيلته وما يرجع لها أبداً بسبب اللي لحقه من الذل والعار ..

أو يرجع وهو يجر معه الخزي والعار

ويصبح محلاً لسخرية أفراد القبيلة .. صغيرها وكبيرها .. رجالهم ونسائهم

وما يتزوج منها ولا يطلع للحرب مع فرسانها ..





فهل حقاً إلى الآن القهوة تعتبر رمزا لشواهد وعادات العرب ؟؟

أو أصبحت فقط من كماليات الضيافة والكيف فقط !!

جزاكى الله اختى الغالية