[b]السلام عليكم ورحمه الله وبركاته
ازيكن يااحلي عضوات
انا هدخل في الموضوع عالطول انا مش هقول اني ناني جديده لاني فعلا مش ناني جديده انا اعتبر من اهم عضوات المنتدي المهم
انا جامعيه يعني في جامعه بالجزائر وانا تاني سنه هادي يالي انا فيها بالجامعه المهم في استاذ بالجامعه انا اول مره اشوفه وهو راح يعطينا بهادي السنه من اول ماشفته وانا حبيته وكل مااسمع اسمه راح اطير من الفرح وانا كثيره الكلام عنه حتي بعض صاديقاتي بالجامعه لاحظت هذا هو اكبر مني بكتير عنده زوجه واولاد
وانا لااستطيع انا امحيه من ذاكرتي او اخفف نفسي من التفكير فيه لاوالله بالعكس وانا في الجامعه قررت ان يكون هدفي الوحيد هو النجاح انمامن اول مانظري وقع عليه وانا موقادره اسيطر علي نفسي المهم انا فكرت اني اقولكم لانكن بصراحه وباذن الله هتساعدوني قولولي اعمل ايه انا صرت ما راح اعرب اذاكر ابدا ارجوكن يانانيهات ساعدوني
ولكن مني اطيب التحيات

السلام عليكم ورحمه الله وبركاته


حبيبتى الغالية
ليه تحطى نفسك وضميرك فى مازق

هل هتكونى مرتاحة اذا هدمتى بيت واسرة

هل تقبلى ان يهدم احد بيتك واسرتك

ضميرك ونفسك هيكونوا مرتاحين

يعنى علشان تحبى تهدمى ناس تانين

حبى لغيرك ما تحبى لنفسك

واللى ما ترضاهوش لنفسك ما ترضاهوش لغيرك
ومتنسيش فرق السن

انتى حبيبتى بتقولى جامعية يعنى طالبه فى عمر الزهرة

ليها رائحتها وجمالها ورونقها واما مها مستقبل

وحب وزوج ممكن يقابلك تبنى معاه بيتك الحصين

حصين برعايتك لدينك واسرتك

متقوليش مش قادرة تسيطرى على نفسك زى ما سهلتى لنفسك ان تقعى فى حب استاذك المتزوج
يجب ان تسيطرى على نفسك اكتر واكتر وتتخلى عن هذا الحب الذى هوا بناء علاقة على حساب بيت واسرة واطفال
يجب ان تتدركى مصير الاطفال ان يكونوا مع ابيهم واسرتهم ام مع زوج ام ويااااااااااااااا عالم حياتهم هتبقى ازاى

انا بنصحك كاختى احرصى على نفسك
واعلمى ان هذا خطا وانتى لسة فى الاول يجب ان تكونى قوية

يمكن كلامى يزعلك بس والله لو اختى فعلا كنت هقولها الكلام دا

ويارب يرشدك لما يحب ويرضى

ومتزعليش من كلامى

بصى ياحبيبتى لازم تنهى الاحساس دة لعدة اسباب اولها انه بجد حرام شرعا وتانى حاجة هو متزوج ومعاه اطفال يعنى اكيد مبيفكرش فيكى ولو قولنا انه هو بيبدلك نفس الشعور فصدقينى شعور مزيف لو قولنا راح لحد البيت واتقدملك فطبعا هاتكونى مجرد نزوة فى حياته ولو قولنا بيحبك بجد فلازم تفكرى فى البيت الى هاتخربيه فبجد ياحبيبتى العلاقة غلط خالص ولازم ياحبيبتى العريس يجى لحد البيت وانتى تختارى وفترة الخطوبة اتعملت علشان تشوفى مدى اقبالك لشخص الى انتى هاتتجوزيه وده نصحتى ياقمر ولازم تتخلصى من الاحساس دة وبقراءة القران والصلاة وعبادة الله هاتقدرى تتخلصى من الوهم دة وصدقينى الى انتى فيه دة وهم مش اكتر
ويارب اكون افدتك

حبيبتى فى الله
بيتهيألى أم مهند ونينو ادوكى نصيحه أخويه بدون تكلف
وأنا عارفه انك مش هاتزعلى لانك مادمتى قديمه معانا فانتى عارفانا
وعارفه اننا بنحب لبعض الخير ومشكلتك هى مشكلتنا ولازم باذن الله نساعدك علشان تخرجى منها
حبيبتى أولا حاليا السن اللى انتى فيه يعتبر فتره مراهقه والمشاعر فيها بتكون متأججه
وأى حد غير كنتى هاتشوفيه وهايلفت انتباهك على طول كنتى هاتحبيه
دى مشاعر الفتره اللى انتى فيها بس عايزاكى تفكرى بعقلك مش مش بقلبك
لان دايما القلب ده بيأدى للمهالك انما العقل دايما بينتصر وبيكون تفكيره أرجح
اولا فكرى فى اللى هاتخسريه فى انجراف مشارعرك اول حاجه هاتطلق عليكى الشائعات فى اى مكان تروحيه انك بتحبيه
وهايعرضك الكلام ده لمواقف محرجه وبالعكس يمكن لو ليكى زميل باالجامعه وشايف سلوكياتك كويسه وفكر فيكى كزوجه هايستنكر وعمره ماهايفكر انه يرتبط بواحده هو عارف انها حبت غيره فى يوم من الايام
ثانيا دراستك اللى المفروض انك تحطى فيها كل همك حاليا علشان تتميزى فى الكليه وتقدرى تحققى طموحاتك وتفرحى باباكى ومامتك بتميزك ده
ثاثا حطى نفسك مكان زوجته وشوفى مدى الاذى النفسى اللى ممكن تتعرضيله لو انتى فى مكانها
رابعا مين قالك انه هايفكر فيكى ويحبك خايفه بجد عليكى من الصدمه دى بس فى الغالب هو ده اللى هايحصل عمره ماهايفضلك على زوجته واولاده وحتى لو مكانش عنده ضمير واوهمك بالحب هايكون لبعض الوقت كنزوه وللتلاعب بمشاعرك ومحدش هايتعب فى الاخر غيرك
يبقا ليه ده كله ليه تعرضى نفسك لده كله
الاهم من ده كله ربنااااااااااااااااااا حبيبتى ربنا شايفك واعلم بخائنه الاعين
وعايزه افكرك بحاجه
العين تزنى وزناها النظر والاذن تزنى وزناها السمع
حبيبتى نصيحتى ليكى غضبى بصرك عنه واستعينى بالله وقولى تركت وهم الحب ده ليك يارب
وان شاء الله ربنا هايعوضك افضل منه وحاولى تشغلى تفكيرك عنه وركزى فى مذاكرتك
حاولى تصلى قيام ليل وتلجأى لربنا قوى حاولى تكونى صادقه مع ربنا علشان يرزقك الصبر والثبات
وصدقينى حبيبتى بعد ماتتخطى المرحله دى وتقربى من ربنا قوى هتلاقى نفسك نسيتيه
قارنى حبك ده بحبك لربنا هو ولا ربنا طيب هو ولا حبيبك محمد صلى الله عليه وسلم حطى ربنا والرسول فى كفه وحبك ليه فى كفه وشوفى ايه اللى هايرجح عندك
ولو حابه تتغيرى انضمى للحمله بتاعتنا ستات هاتتغير بجد واندمجى معانا ومتفكريش فى حاجه وان شاء الله ربنا هايثبك ويعينك
نصيحه خالصه لوجه الله لاختى فى الله
أحبكى فى الله
أختك نانى

ركزى فى مذاكراتك حبيبتى
وحطى نفسك مكان مراته
وربنا يهديك لما فيه الخير

استغفر الله يارب

اختى الى قاعدة تسوينة حرااااااااااااااااااااااااااااااام


فأتقي الله واكثري الصلاة والدعاء اناء اليل اطلبي من الله ان يبعدة عن بالك


والى قاعدة تسوينة من عمل الشياطين فتعوذي منة

ربنا يصلح حالك وحال المسلمين
الاخوات قالوا اللى عايزه اقوله
ربنا ينور بصيرتك حبيبتى

[b]ربنا معاكى حبيبتى انا حاسه بيكى بس صدقينى كل حاجه فى اديكى اعقدى النيه انك مش عتفكرى فيه خالص وهتنسيه لوجه الله تعالى
عشان مش تتعبى نفسك وتنشغلى عن اهم حاجه فى حياتك وهى دراستك
عارفه لو صدقتى مع نفسك انك تنسيه هتنسيه انا عارفه انه مش سهل بس بالصبر والمثابره ممكن نغير نفسنا حتى قلبنا
على فكره الحب ده وهم كبير ومش هتعرفى ده وتلمسيه
الا لما تنسيه هتلاقى نفسك بتضحكى على الايام اللى كنتى بتبصيله فيها وهو كان كل امالك
ربنا يقدرك ويديكى القوه وان شاء الله تنسيه بس بالله عليكى تطمنينى عليكى وحاولى تشغلى نفسك بحاجات تانيه وتندمجى مع الناس عشان تطلعى نفسك من الحاله اللى انتى فيها