قصةالحمار الذكى والحمار الغبي

كان مره فى حمار ذكى وحمار تانى غبي وكانو هما الاتنين صحاب
بس الحمار الغبي كان بيقلد الحمار الذكى فى اى حاجه يعملها
الحمار الذكى يشتري اى حاجه يئوم الحمار الغبي يشتري نفس الحاجه
الحمار الذكى يلعب الحمار الغبي يلعب زيه
الحمار الذكي ينام الحمار الغبي ينام زيه
الحمار الذكي قال لصاحبه الحمار الغبي كده غلط مش المفروض انك تلقد اى حد وخلاص كده من غير ماتفكر
وحاول يفهمه ان التقليد الاعمي بيضر صاحبه وان كل واحد لازم يكون له تفكير وارادته لوحده بس الحمار الغبي مفهمش وفضل يقلد صاحبه فى كل حااااااااااجه
وفي يوم من الايام الحمار الذكى والحمار الغبي كانو شايلين بضايع ومدينها القريه اللى جنبهم
الحمار الذكى كان شايل ملح
والحمار الغبي كان شايل سفنج
طبعا السفنج اخف بكتير من الملح وكان ماشي مبسوط
وهما ماشيين عدو على البحر
فالحمار الذكى جات له فكره
الحمار الذكى نزل البحر وقال للحمار الغبي انا نازل استحما
الحمار الغبي ردت وقاله طيب نزل الملح اللى انت شايله الحمار الذكى قاله لاء انا هاستحما بسرعه ونزل فعلا البحر بالملح
وطبعااااااااااااااااااااااااااا الحمار الغبي عايز يقلده وينزل يستحما زييه
وطبعاااااااااااااااااااااااااا نزل من غير ماينزل السفنج
ايه بئا اللى حصل؟؟؟؟؟؟؟؟؟؟
طبعا الملح داب فى الميه لكن السفنج؟؟؟؟ اكيد شرب ميه كتير كتير وتقل خااااااالص
هما الاتنين جايين يطلعو من البحر
الحمار الذكى طالع خفيييييييف لان حمولته كلها دابت
لكن الحمار الغبي طالع تقيييييل ومش قادر يمشي
هنا الحمار الذكي قاله شوفت ازاى بئا ان التقليد الاعمى بيضر صاحبه
الحمار الغبي فهم اخيرا ان مش كل حاجه نشوفها ادامنا نعملها
لكن لو صحبنا بيعملو حاجه حلوه ممكن نعمل زيهم بس بطريقتنا احنا من غير ما نقلد وبس
وفضل ياعينى الحمار الغبي طول الطريق شايل السفنج التقيل لكنه حرم تانى يقلد من غير ما يفكر
توته توته خلصت الحدوته

قصة فى قمة الروعة

لطالما كانت مواضيعك متميزة

لا عدمنا التميز و روعة الاختيار

ربى يبارك فيكى ويجزيكى الخير والسعادة امين

قصةالحمار الذكى والحمار الغبي

قصةالحمار الذكى والحمار الغبي

مواضيع مماثلة

مواضيع مماثلة