ام مهندالمصرية المديره التنفيذيه
البلد : الهواية : الجنس : mms :
عدد المساهمات : 17818
خدمات المنتدى مشاركة الموضوع: مشاركة
| موضوع: قصة سمسم الحكيم الجمعة مارس 18, 2011 11:14 pm | |
|
سمسم الحكيم
كان ياما كان ياساده ياكرام وما يحلى الكلام إلا بذكر النبى عليه أفضل الصلاة والسلام سمسم كان عصفور صغير وجميل كل يوم بيصحى من النوم يغنى فوق غصن من أغصان شجره كبيره , الشجره دى كان تحتها كوخ صغير بيسكن فيه راجل شغلته صياد بيصطاد الحيوانات اللى لها فرو ويبيعها وله كلب صاحبه عايش معاه, وكان كل يوم يصحى على صوت سمسم الجميل ويجرى يحط الصياد لسمسم على إيده الحبوب اللذيذه علشان يفطر كان الصياد بيحب سمسم جدا وسمسم كان كان بيحبه , وفى يوم من الأيام كان سمسم واقف على الغصن زى عادته بيغنى ومنتظر الصياد علشان يصحى ويكافأه بالحبوب اللذيذه وفجأه جه التعلب الشرير وشاف سمسم بيغنى ,راح عمل إنه بيبكى وقال ,الله ياعصفورى إنت صوتك جميل جدا تمام زى صوت والدك الله يرحمه رد سمسم بفرح وقال إنت كنت تعرف والدى ياعم التعلب؟ قال التعلب :طبعا يابنى والدك كان صديقى جدا ,وده قبل ما يموته الصياد الشرير اللى فى الكوخ ده زعل سمسم وقال للتعلب, إزاى بتقول كدا ,دا الصياد ده طيب جدا وبيحبنى وكل يوم بيأكلنى بإيده قالهالتعلب: ماهو كان بيعمل كدا مع والدك لحد لما أمن له والدك جه الصياد ببندقيته وقتله حزن سمسم جدا من كلام التعلب وفجأه لقى الصياد خرج من كوخه وصوب بندقيته عليهم قال التعلب :شوفت ياسمسم مش قلتلك عاوز يقتلك زى والدك طير بسرعه وطار سمسم وجرى التعلب بسرعه وقال لسمسم مفيش حل غير إنك تقعد معايا فى بيتى دا أحسن مكان أمين عليك وافق سمسم طبعا, وراح مع التعلب , ولما وصلو بيت التعلب لقى سمسم تعلب تانى فى البيت, وبيقول إتأخرت ليه أنا مت من الجوع , راح التعلب الشرير قاله أنا كنت بنقذ إبن صديقنا من الصياد الشرير يالا ياسمسم أدخل الجحر ده إرتاح شويه وقفل عليه باب الجحر , خاف سمسم من الضلمه وخاف أكتر لما سمع التعلب الشرير بيقول لأخوه أنا لفيت الغابه ملاقيتش حاجه ناكولها غير العصفور ده , فكر سمسم وقال التعلب الكداب كدب عليا يبقى الصياد كان بيصوب بندقيته عليه مش عليا ,فينك ياصديقى الصياد تنقذنى و إزاى هتوصلى ,فكر سمسم وقال أه لو غنيت هيعرف صوتى ومكانى ,أنا متأكد أنه بيدور عليا وفضل سمسم يغنى يغنى لحد لما تعب ,وقال مفيش فايده لازم أنقذ نفسى بنفسى وأعمل إنى ما عرفتش حاجه عن نيتهم وأهرب ,وفضل سمسم يخبط على باب الجحر لحد لما رد عليه التعلب قالو إلحقنى ياعم التعلب هموت من العطش ,أرجوك
[i]ياصديق والدى هات لىأشرب ,فتح التعلب باب الجحر علشان يشرب سمسم ,وأول الباب ما إتفتح طار سمسم وجرىوراه التعلب , وفجأه ظهر الصياد ببندقيته , وكان بيدور على سمسم فعلا ضرب التعلبالشرير وأنقذ سمسم ورجعه لعشه تانى فوق الغصن , علشان يرجع من تانى يصحى كل يوم علىصوته الجميل ,ورجع سمسم ينشد ويغنى أحلىالألحان.
وتوته توته خلصت الحدوته ويارب تعجبالكتاكيت [/i] |
|
أسيل _
البلد : الهواية : الجنس : mms :
عدد المساهمات : 2569
خدمات المنتدى مشاركة الموضوع: مشاركة
| موضوع: رد: قصة سمسم الحكيم السبت مارس 19, 2011 8:21 am | |
| علية افضل الصلاة والسلام
الثعلب ده ديما كده مكار بس الحمدلله سمسم طلع هو كمان امكر منه
شكرا لك |
|
راجية المغفرة المديره التنفيذيه
البلد : الهواية : الجنس : mms :
عدد المساهمات : 16271
خدمات المنتدى مشاركة الموضوع: مشاركة
| موضوع: رد: قصة سمسم الحكيم السبت مارس 19, 2011 8:04 pm | |
| حلوة جدا ام مهند تسلمى على التميز |
|
ام مهندالمصرية المديره التنفيذيه
البلد : الهواية : الجنس : mms :
عدد المساهمات : 17818
خدمات المنتدى مشاركة الموضوع: مشاركة
| موضوع: رد: قصة سمسم الحكيم الثلاثاء مارس 22, 2011 2:47 pm | |
| - أسيل كتب:
- علية افضل الصلاة والسلام
الثعلب ده ديما كده مكار بس الحمدلله سمسم طلع هو كمان امكر منه
شكرا لك نورتينى يا اسوله |
|
ام مهندالمصرية المديره التنفيذيه
البلد : الهواية : الجنس : mms :
عدد المساهمات : 17818
خدمات المنتدى مشاركة الموضوع: مشاركة
| موضوع: رد: قصة سمسم الحكيم الثلاثاء مارس 22, 2011 2:57 pm | |
| - راجية المغفرة كتب:
- حلوة جدا ام مهند
تسلمى على التميز اسعدنى وجودك بالموضوع |
|