تذكير بمساهمة فاتح الموضوع :

بناءا على رغبة جميع أعضاء منتدى سوبر نانى





تم اختيار سوبر نانى ضيفة كرسي الاعتراف للاسبوع ده


اولا طبعا ياطنط ام مهند
انا متأسفة انى انا اللى عملت الموضوع
ولكن هطق لو ماانا اللى كتبتة واول واحده كمان تسأل

فسوري اسمــــــــــــــــــــــحي لي






نووووووووووووووووووووووووووووورك هل يانانى


مش عاوزين رحمة يانانيهات


دي سوبر نانى


يعني الفرصة بتيجي مررررررررررررررة واحده في العمر

هههههههههههه








وكمان كرسي بتاج لانك ملك ياضيفتنا العزيزة

saharena77y كتب:

اهلا يا نانى
منورة الدنيا كلها
ياحبيبة قلبى ده نورك انتى
بس أسألتك صعبه قوى
طبعا الاخوات خدوا حقهم من الاسئله معاكى
انا مش هحاول اكتر فى الاسئله
بس ده سؤال شاغل بالى

ايه رئيك فى التعدد؟
التعدد حق مشروع طبعا بس فى حالات معينه وأكيد كلنا عارفين إيه هى الحالات دى اللى بيبيح فيها الشرع التعدد
ولو زوجك جيه فى يوم وقالك عاوز اتجوز واحده تانيه وان ده عمل خير والاسلام بيقره هيكون ردك ايه؟
لو فيه شيئ ناقص عندى زى أحكام الشرع مابتقول يبقى أنانيه منى لو منعته عن الزواج لكن ميمنعش انى هاكون زعلانه جدا حتى لو مبينتش ده وأظهرتهوله
ايه رئيك فى تحديد النسل؟
تحديد النسل ده حاجه من صنع اليهود وهارد بحديث للرسول عليه الصلاه والسلام(تزوجوا الودود الولود فإنى مكاثر بكم الامم يوم القيامه) وبالعكس من أسباب زياده الرزق هو الانجاب بس طبعا ده لو صحة الام تسمح ومجهودها البدنى فى تربيه الاطفال يسمح
ونفسك تجيبى كام بيبى ؟
انا عندى بنوتين بس عندى حلم انى أخوض تجربه التوأم بالرغم من صعوبتها بس احساس مختلف لما يكبروا ويكون عندك اتنين من سن بعض بس طبعا الحاجات دى بمشيئه ربنا ولكنها تظل أمنيه
ربنا يبارك فى بنوتاتى ويجعلهم من حفظه كتابه الكريم ويرزقنا برهن
ايه رئيك فى عمل المراءة؟
عمل المرأه بدون اختلاط محرم من وجهة نظرى عادى زى مثلا طبيبه النساء زى مدرسه فى مدرسة بنات زى بائعه فى محل مستلزمات حريمى وهكذا انما لو فيه اختلاط محرم أنا عن نفسى مش بقبله
وتتمنى لبناتك لما يكبروا يكونوا ربات بيوت ولا موظفات ؟
لاء أتمنى انهم يتعلموا أحسن تعليم لكن يكونوا ربات بيوت لان الام بتصنع أمه والام هى صانعه الرجال
وشغلها ده بيشغلها عن وظيفتها الاساسيه وهى تربيه الاطفال وغرس العادات الحميده فيهم من صغرهم
يااااااارب أكون وفقت فى الاجابه عن أسئلتك الصعبه ياسحورتى
وبجد انتى من الشخصيات القريبه جداااااااااا لقلبى لاسباب كتيره فى نفسى
أحبكِ فى الله

[quote="أم إنجى 1"][center][size=24]
[b]أنا كنت مستنية اليوم ده من بدرى
وكنت هأزعل قوى لو كان فاتنى لكن الحمد لله لى نصيب
منورة يا نانى على كرسى الاعتراف
وماتقلقيش يا شبه ده إحنا هأنريحوكى على الاخر
شوية أسئلة صغنونة رئفة بيكى
إحم إحم دخلتك مش مريحانى ياأم إنجى هههههههههههههه
1\ حلمك لدينك ؟ ( بلاش الاجابات التقليدية )
حلمى لدينى ان كل الناس تكون دعاه للاسلام بأخلاقها وأفعالها علشان الغير مسلمين يعرفوا اد ايه الاسلام جميل
واننا نكون مفخره للنبى صلى الله عليه وسلم فى زمن مليئ بالفتن والشبهات
2\ أيه شعورك لو صحيتى فى يوم وفؤجئتى أن هذا اليوم يوم القيامة ؟
أكيد ده شعور عمرى ماهقدر أوصفه من كم الرعب ولكنى مشتاقه للقاء الله عز وجل وأتمنى على الله أن يدخلنى الجنه بلا سابقه عذاب وبلا حساب
3\ هل أنتى مستعدة لذلك اليوم جهزتىزادك وزوادك بما يكفى ؟
أى حد يقول انه مستعد لهذا اليوم حتى لو كان من الدعاه الى الله يبقى كاذب ولكنى بحاول وبجتهد إنى أتزود لهذه الرحله الطويله والتى أتمنى السعاده فى أخرها
4\الجهاد فى سبيل الله أفضل أم تربية بناتك بالنسبة لكى ؟
بما ان أم تصنع أمه فتربيه بناتى وزرع الدين فى قلوبهم من صغرهم أكيد شيئ كبير وفيه نوع من أنواع الجهاد فى سبيل الله أما لو فى حاله انى عارفه انى ممكن أتعرض لموقف وأفوز بالشهاده فى سبيل الله فيه فبصراحه ممكن أؤثر نفسى على بناتى لان الشهاده مفيش أى حاجه تعوضها وأكيد ربنا هايعوض بناتى خير عنى
5\ إحنا على وعدنا هنتقابل فى رمضان فى الحرم أنا إن شاء الله هناك أول 20 يوم من رمضان ؟
أنا على أحر من الجمر فى انتظار هذا اليوم وأتمنى إنى أشوف أكبر عدد من المنتدى فى العمره بإذن الله تعالى
6\إن رزقتى بحمل وولدتى ولد ماذا تسمية وما سبب اختيارك لهذا الاسم ؟
فكرت كتير فى الحكايه دى وأكيد بإذن الله هاسمى إسم من أسماء النبى صلى الله عليه وسلم ولكن فيه وعد لام زوجى لو أنجبت ولد هى عايزه تسميه أحمد فبإذن الله تعالى لو فيه أولاد بنين هاتكون التسميه بـ أحمد
7\ماذا كنتى تقولين على فى تفكيرك أثناء فترة غيابى هل التمستى لى العذر ؟
بصراحه كل واحده فيكوا اتأخرت فى الدخول للمنتدى بعد الثوره انتابنى قلق عليها من الاحداث اللى فى مصر
وكان كل همى انى أطمن عليكوا وبمجرد إنى كنت بشوف أسمائكم متواجدات إطمنت عليكوا والتمست للجميع العذر مش أم إنجى بس فضلا على إن أم إنجى ليها محبه فى قلبى يعلمها الله عز وجل
8\أمامك ثلاثة أعمال أيهم تحتارى ( تعملى خادمة للحرم تكنسى وتمسحى وترفعى اقذر البشر أم تشتغلى دكتورة وتنافسى زوجك أم تشتغلى محامية لرد حق شهداء 25 يناير )؟
كل ماكنت بروح الحرم وأشوف عمال الحرم كنت بغبطهم على المكانه اللى هما فيها وكنت بتمنى أكون واحده منى وأكيد لو هاختار مهنه هاتكون إنى أخدم فى الحرم قربة لله عز وجل أكيد أى حد يتمنى انه ميتنقلش من الحرم والحمد لله أنا رايحه النهارده العمره وهاستمتع بالحرم أسبوع ربنا يرزقكم جميعا
9\ ماذا تقولين أول ما تستيقظى وقبل نزولك من على السرير ؟
بقول الحمد لله الذى أحيانا بعد ما أماتنا واليه النشور
10\ما شعورك بنقابك اصبح عادة ام تجددى له النية يومياً ؟
لاء بجددله النيه بإستمرار ولله الحمد
أممممممممممممممم
كفاية كده يا نانى ولا أكمل
ياترى يا هل ترى أكمل ولا كفاية
أكمل ولا كفاية
أكمل ولا كفاية
أقولك كفاية كده ده بس علشان أنتى حبيبتى
يالاورينا الهمة وجاوبى عايزة إجابات واضحة وصريحة وعفوية بدون ترتيب وتنميق
حبيبة قلبى ياأم انجى
ربنا يبارك فيكِ وفحياتك
وأنا أحبكِ جدااااا فى الله

ام مهندالمصرية كتب:

ههههههههههههههههه

يا حبيبتى يا نانى

دول مصدقوا يا حبيبتى

رجعالك تانى

نانوالريس كتب:

ههههههههههههههههههههههه بجد مش عارفه اقولك ايه بالظبط بس بجد بجد صعبانه عليه
طبعا نسيت اقولك نورتى كرسى الاعتراف اصل الهجوم اللى انا شفته خلانى اموت من الضحك مش عارفه والله انتى عامله فيهم ايه نانى
على العموم يا ستى الاسئله اللى كان نفسى اسالها لك لقيت اجاباتها من اخواتى العزيزاتوانتى اجبتى عليها فبصراحه حرام مش هسال تانى كفايه عليكى اختك العفريته العسوله اسولتى
ربنا يخليكو لبعض يارب وللمره التانيه نورتى كرسى الاعتراف وربنا يعينك عليه وعلى اللى بييجى من وراه....هههههههههههههه

نانوالريس كتب:

حرام عليكى يا اسيل
وبعدين بلاش انتى احسن نانى مستحلفالك
وبعدين كل المنتدى عليها يعنى بصراحه صعبت عليا فكفايه بلاش انا المره دى حرااااااااااااااااااااام

انا باعيط مكانك يا نانى اهه

ا

أسيل كتب:

امممممممممممممممم
الظاهر ان نانى اساسا هربت من الاسئلة

قلب رؤى كتب:

انا هكتفى انى اقولك منوره كرسى الاعتراف
من الواضح ان الاعضاء قيمين بالواجب وزياده
اتمنى لكى اقامه سعيده

راجية المغفرة كتب:

ربنا يوفقك نانى ويعينك بس بجد انتى انسانة جميلة ربنا يكرمك ويحقق امانيكى

قلب رؤى كتب:

المديره هربت يا جماعه
بجد انا لو مكانها هعمل كده
ههههههههههههههههههههههههههه

عيالي بهدلوني كتب:

الظاهر اننا اخترناها في الوقت الغلط

معليش يا ناني

جاوبي على الاسئله هذي
ونعفيك من تكمله الاسبوع هذا

ونكمل معك فوقت ثاني



لكن الاسئله الموجوده حاليا لازم تجاوبي عليها

خلاص
هههههههههههههه


معليش يا جماعه خلاص محد يحط اي اسئله ثانيه لناني

لان الوقت مو مناسب
وهي مشغوله مره وحده

حبيباتى والله العظيم إنى سعيده جدااا بكل تعليقاتكم الجميله اللى مليانه مرح وحب
وبجد انتوا أغلى ناس عندى وأصحابى وحبايبى اللى مشفتهمش وأسـأل الله العلى العظيم أن يجمعنى بكم على خير
وانبسطت جدا من شركم عليا ههههههههههههههههه أحلى شر طبعا هههههههههههههه
ربنا مايحرمنى منكم ولا من ابتسامتكم الجميله
ويكفى ان الواحده فينا لما تحس إنها متضايقه أو تعبانه متأكده إن فيه إخوات زيكم واقفين معاها ومساندينها فى كل حاجه مش قادره أوصفلكم كلكم كعضوات واداريات انا بحبكم أد ايه
لكن أسأل الله العلى العظيم أن يجمعنى بكن تحت ظل عرشه الكريم يوم لا ظل الا ظله
أحبكن فى الله
أختكم نانى

لا تنسينا بالدعااااااااااء
ربنا يقبلها منك حبيبتي