اولا السلام عليكم ورحمه الله وبركاته انا يا اخواتى نفسى اعمل حاجه كويسه انفع بيها غيرى

وبرضه انتفع بيها

ايه رايكم وراى طبعا مشتاقه لعفو ربها مشرفه القسم

ان احنا نبدا دوره حفظ القراءن الكريم هنا فى المنتدى

كل اسبوع ربع قراءن ويتم التسميع لكل عضوه من خلال صفحه مستقله بيها وتكتب الجزء المخصص للحفظ وادخل

اشوف التسميع واى خطاء اقولهولها

فاهمنى انا عايزه اقول ايه يعنى مثلا المشتركات خمسه

المشتركات دول كل واحده تعمل موضوع وتسميه صفحه تسميع العضوه فلانه

وبعد ما تحفظ الجزء المحدد تتدخل الموضوع بتاعها وتكتب اللى هيه حفظته وطبعا هيه بتحفظ قراءن ربنا اكيد مش حتتدخل تنقل من المصحف

ولو فيه اى واحده محفظتش لاى سبب ممكن نعذرها طبعا وتكمل معانا تانى

ونبقا براحه على بعض علشان ربنا يقدرنا ونحفظ كلام ربنا علشان ننتفع ونفع اولادنا بيه لما يحبه ويرضى

ياريت تقولولى ريك فى الموضوع

احبكم فى الله

فكره جميله جدا يايارا
تسلم ايديكى حبيبتى
ربنا يجعله فى ميزان حسناتك

بجد يا سوبر نانى

انا والله مبسوطه انها لقت استحسان عندك

ربنا يقدرنا ونعمل مجموعه ونمشى مع بعض لحد ختم القراءن ان شاء الله

جزاكى مثله يا لولو

بس كده مفيش ولا واحده راضيه تشترك

والله يا يارا ما شفت الموضوع دة قبل كدة

انا معاكى

طب هنبدأ امتى ومن فين ارجو الرد

بصى يا راجيه

حنبدا من اول كتاب الله

من سوره البقره

ونبدا باول ربع فى السوره

شوفى انتى تقدرى تحفظيه فى اد ايه

وعلى راحتك علشان يبقا حفظ ثابت باذن الله

طب انتى اكتبى من اية كذا لاية كذا وازاى هنسمع علشان نبقى ماشيين صح هو مفيش لا انا بس والا اية

كفايه عليا يا قمر

هوه انا حنهب

ابدائى وربنا العالم يمكن تكونى ورش الخير وكتير يدخلوا بعديكى

بصى يا راجيه

التسميع

انتى حتفتحى موضوع جديد خاص بيكى

اسمه صفحه التسميع الخاصه براجيه المغفره

وتكتبى الكميه اللى انتى حفظتيها كتابتا

وانا حدخل اصلهالك لو كان فيها حاجه

كده بالنسبه للتسميع

اما بالنسبه للحفظ مثلا ايه رايك نمشى بالربع

من الايه 1 الى 25

لو كان كتير قوليلى

اوك يا يارا لا كويس كدة

اوك هفتح الموضوع

بالنسبة للحفظ يعنى كل يوم او كل اد اية علشان يبقى عندى وقت خلاص شوفى وردى علية

ماشى يا راجيه

التسميع كل اسبوع

يعنى مثلا يوم السبت اللى جاى ان شاء استنى التسميع باذن الله

ماشى يا قمر ربنا يخليكى

ربنا يعينك يا راجيه انا وانتى على حفظ كتابه

يارب يا يارا والله نفسى احفظة جدا واشتركت كذا مرة فى حلقات للتحفيظ بس مكنتش بلحقهم ابدا انشاء الله معاكى يكون خير علية واحفظة بعون الله وبمساعدتك لية ربنا يبارك لك يارب

ويباركلك يا راجيه


ربنا يعينك على ذكره وشكره وحسن عبادته

النهارده التسميع يل راجيه

جاهزه

انشاء الله يا يارا

تسميع الاسبوع الجديد ان شاء الله

الربع التانى يا راجيه كله

ربنا يعينك

ان شاءالله انا حبه انضم ليكوم

ماشى يا ام مهند

راجيه حفظت الربع الاول

والاسبوع ده معاها الربع التانى

ابداى انتى حفظ معاها فى الربع التانى

والتسميع ان شاء الله السبت اللى جاى

ماشى يا ام مهند

تمام

راجيه

التسميع ان شاء الله يوم السبت القادم

ابتدا من اول الربع التالت الى اخره

حتى قوله تعالى.......................بما كانوا يفسقون

الله خدونى معاكم بس اعذرونى الايام دى هحاول احفظ على اد ماقدر عشان يمكن اسافر اليومين الجاين دول
ادعولى الجو يتظبط عندنا احسن مش بتبطل مطر الايام دى

ان شاء الله يا مؤمنه


اول ما تستقرى قوليلى وانا اظبط معاكى علشان تبقا مع راجيه ان شاء الله

أفضل لو يكون التسميع بالدردشة

عادى يا ريحانه

انا بنزل المقاطع للتسميع

والعضوه تتدخل تسمع فى صفحاتها وقت دخولها

على حسب استطاعتها

فانا حاسه ان كده اسهل

شكرا ليكى يا ريحانه

مش تحبى تنضمى لينا

انا اكون فرحانه جدا اذا قدرتى تكونى معانا

تسميع الاسبوع ده الربع الرابع من سوره البقره

من قوله تعالى

واذ استسقى موسى...................................الى وما الله بغافل عما تعملون

انا بشترك معاكم ارجو ابلاغي متى تبدأ الدورة