نقول عليها فطاير أو بريوش أو شريك المهم النتيجه أن شاء الله روعه ومتجربه وحاجه أخر طعامه هتحبيها أنتى وولادك وسهله هبدألك بكميه معقوله وأنتى لو حابه تزودى فى المقادير براحتك.

المقادير

5 بيضات / 2كوب سكر/ نصف كوب زيت/ 2ملعقه كبيره سمن جامد/ كوب كبير لبن/ ملعقه كبيره خميره فوريه
(نشطه) / ملعقه كبيره بيكنج بودر / نصف ملعقه فانيليا/ملعقة كركم/5ملاعق سمسم محمص / الدقيق حسب العجن من كيلو لكيلو ونصف

الطريقه

نضع الخميره فى نصف كوب ماء دافىء وملعقه صغيره سكر وتترك لمدة 6 دقائق حتى تظهر الفقاقيع على وجهها .

فى هذا الوقت نقوم بوضع(السمن والزيت والبيض والفانليا واللبن والسكر )ونضربهم فى الخلاط ثم نضيف لهم الخميره .

ثم نخلط 3 ملاعق سمسم والبيكنج بودر والكركم للدقيق ونضيفه للخليط السابق بالتدريج حتى تلم العجينه وتترك لتتخمر فى مكان دافىء يعنى يزيد حجمها ويستحسن تغطيها بقماشه.

بعد التخمر تعمل على شكل كور أو حبال وتلف على بعضها ويجب ترك مسافات واسعه بينهم لأنهاستترك لحوالى 10 دقايق للتخمر مره أخرى ثم يدهن وجه القطع بالبيض المخفوق(بيضه واحده) ثم يرش القليل من السكر أو السمسم بالأصابع على وجه كل قطعه على حده للتزيين ثم تخبز فى فرن ساخن على نار متوسطه ولاحظيها فى الفرن كل فتره وبالهنا والشفا وهستنى الردود

ملحوظه

يستحسن اللى يطلع من الفرن متعرضهوش كتير للهواء وتغطيه بفوطه عشان يفضل طرى ومينشفش