حماتى بتعمل العجه خطييييييييييره وانا اتعلمتها منها تجيبى يا ستى 8بيضات و5بصلات كبار وحتة ليه من بتاعه الخروف(بتدى طعم اللحمه ويمكن الاستغناء عنها)وحزمه بقدونس وحزمه كسبره و3ملاعق دقيق و2طماطم وسط وبس قطعى البصل والليه ودبلى البصل والليه معاه فى شويه زيت يعنى قبل ما يصفر البصل وتطفى النار وتحطى الدقيق وتكونى مخرطه البقدونس والكسبره وتحطيها وتقلبى تكسرى البيض لوحده وتربيه كويس وتحطى ملح وفلفل وتضيفيه للخليط السابق وتكونى مجهزه صينيه صغيره مش كبيرهمدهونه بالزيت وتصبى فيها الخليط وتدخليها فى فرن متوسط وممكن تحطيها على عين بوتاجاز بس تكون واطيه اوى وتغطى الصينيه وبعد حوالى تلت ساعه بيكون سطحها تماسك تكونى مقطعه الطماطم زى السلطه وتحطى عليها ملح وفلفل وشطه وتوزعيها على وش الصينيه وتسيبيها حالى عشر دقايق ولما تستوى قطعيهاهى مفيهاش حاجه غريبه بس والله تحفه ومش مكلفه جربوها بالله عليكم مش هتندموا ومتنسوش تدعولى

بس 5 بصلات مش كتير ولا اية على العموم اشكرك على الوصفة

واااااااااااااااو شكلها شهي وجميل
تسلم الايادي