النهارده هحكي حكايه عمو التنين
التنين الاليف مكنش بيطلع نار من بقة
حكايه جميله ورائعه
كان يا ماكان كان في تنين جميل اليف بيعيش في اخر الغابه وبيته جنب شجره
البطيخ اللي هناك ( معرفش ازاي شجره بطيخ.. قصه اطفال بقي ......ماعلينا )
وكان اسمه عــمـــــو التنيـــــــــــــــــــــن
كان بيعيش لوحده وكان نفسه يحب اي حد في الغابه بس مكنش لاقي حبيبه
وكان في مره من المرات وفي يوم عادي زي باقي الايام قابل
غزاله جميله بل يعجز الكلام عن وصف جمالها
اول ما شافها كان هيغم عليه ولسانه طله ومقدرش يتكلم المهم
شافها وكانه شاف القمر كانه شاف ملكه جمال العالم

المـــــــــهم
بعد ما اتعرف علي الغزاله حس انه ابتدي يحس بشعور غريب
شعور محسهوش قبل كده
شعور اسمه
الحـــــــــــــــــــب
شويه وشويه بدات العلاقه تقوي وتقوي
وبداء يوم بعد يوم يموت في حب الغزاله
واتعلقو ببعض لدرجه انه كان نفسه يتجوزها بس مينفعش ان غزاله تتجوز تنين اقصد عمو التنين
حاجه وحشه خالص
وحتي في مره في الغابه لقي التنين حيوانات الغابه الوحشين الكخين بيضايقو
الغزاله فقرر انه لازم يضحي ويحارب من اجل الغزاله حتي لو هيضحي بعمره كله
مش خساره فيها وفعلا حاربهم حتي زال عنها الخطر وحماها التنين
اقصد عمو التنين
المهم
قرر التنين قرار :
انه هيفضل طول عمره يحب الغزاله وانه عمره مهيقدر يعيش من غيرها وانه هيحميها برموش عينيه من الغابه والوحوش اللي فيها وقال لها
انا لو لفيت كل غابات العالم وقابلت كل التنينات مش هلاقي حب زي حب الغزاله حبيبه قلبي
ووعدها وعاهدها
وانه هيعيش ليها و بيها حتي لو اتجوز من طنط التنينه برده هيفضل يحبها ويموت في عشق هواها
وتوته توته خلصت الحدوته
حلوة ولا ملتوته









__________________

حلوة يقمر تسلم الايادى