كرسي الإعتراف...

تذكير بمساهمة فاتح الموضوع :

السلام عليكم ورحمة الله وبركاته

طبعا احنا كلنا عارفين لعبة كرسى الاعتراف
كرسي الإعتراف... - صفحة 4 CII80399

هنبتدى العبه اليوم

بس ياريت نلتزم بالقوانين ياجماعه

قوانين العبه

1: الصراحه مطلوبه

2: كوباية شاى وانتا بتجاوب على الاسئله كرسي الإعتراف... - صفحة 4 Evil_lol

3:اللى هيقعد على الكرسى هيقعد اسبوع كامل ومصرح للكل الاعضاء تساله

4: (ياريت) محدش يجيب اسئله كوبى وباست عاوز تسال العضو فى حاجه اساله مفيش يبقى مدورش على اساله وتجبهاله

5: الاسئله تكون عامه

6: من حق العضو المستضاف على الكرسى انه مش يجاوب على اى سؤال محرج له

أوك

نبدأ

يا نهار ابيض ايه الاسئله دى كلها

ده انتوا مصدقتوا بجد انى اقعد على الكرسى

ده انا مش هتعصر ..ده انا هتفرم...هههههههه

وكمان مشتاقه وام مهند..ماشاء متوصيين عليا

وصايتك عملت عمايلها يا نانى

هجاوب على الباقى ..حاضر يا قمرات....

ده انا عايزه اسبوعين ..او تلاته ..هههههههههه

اسبوع واحد مش هيكفى ...ماااااشى

مواضيعك ىتدل على ثقافه عاليه
seem

مشكوووووووووووووووووووورة جدا يا توتي

بجد دايما رافعة من روحي المعنوية

وربنا معاكي في كمية الأسئلة الرهييييييييبة اللي البنات سألينهالك دي

ههههههههههههههه

لا ياتوتى خليكى قاعدة شوية انا مبلحقش اسال خالص
اوعى تقومى من على الكرسى لحد مسال بكرة اول اما اقوم
من النوم لو نت شغال هدخل اكتب الاسئلة

واضح ان الاسئلة كتير ياتوتى
انا مش هتعبك بالاسئلة كفاية اسئلة راجية وبعدين مشتاقة حبيبتى
هما دول الاسئلة الصغنتين امال لو كانو اسئلة كبير كان حصل اية
عموما ياتوتى مستنين باقى اجاباتك على راجية ومستاقة

يانودى انا كنت داخله علشان اختار عضوة جديده علان تمتعنا باعترافاتها
خلاص هاسيبلك توتى تعصريها بكره ونعتقها بعد الاجابه

عجبتنى ردودك على الاسئلة توتى
بصراحة حسيت فيك بالاحترام والموضوعية
انتى والله انسانة رقيقة المشاعر
ومرهفة الحس
بس يلاه جوبى على باقى الاسئلة

ربنا يعينك

مشكورين حبيباتى ..بجد انا سعيده بيكوا مع انكم ..عصرتونى على الاخر

ويظهر كده ماصدقتوا انكم تمسكونى ..وبتطلعوا فيا اللى بعمله فيكم

ههههههههههههههه

حاضر هرجع اكمل انشاء الله..بس معلش على التأخير كان عندى اليومين اللى فاتوا

شغل كتير مكنتش عارفه انتظم واجاوب عليكم

انشاء الله هكمل اليوم..ومستنياكى يا نودى ..قولى اللى فى نفسك حبيبتى

شكرا يا ام مهند على الكلام الجميل ده..والله انتى اللى انسانه جميله فعلا

وشكرا نودى ومستنياكى حبيبتى..شكرا يا راجيه ..كلك زوق

تسلميلى يا سيم..بس دى الحقيقه فعلا حبيبتى ..

شكرا لنانى الجميله اللى وصتكم عليا..والوصايه جابت نتيجه

شكرا يا مشتاقه وهجاوب على اسئلتك عنيا يا قمر...

شكر خاص لروان حبيبه قلبى..ربنا يبارك فيكى يا قمر

مرسي حبيبتى نانى انتى وتوتى انا صحيت من شوية رغم انى نمت متأخر
عملت نسكافية هشربة وافكر فى شوية اسئلة وهرجع اكتبهم

دول شوية اسئلة
بتحبى القطط
كنتى تحبى تكونى اية لو مكنتيش مدرسة
موقف مضحك فى حياتك
اقرب صديقة لقلبك
لما بتزعلى توتى اية اكتر حاجة بتخليكى تصفى وتنسى الزعل
يومك بتقضية ازاى
اكتر حاجة بتكونى مبسوطة وانتى بتعمليها
اية ميزة كل عضوة فى المنتدى من وجة نظرك
اجمل يوم فى حياتك
اية البرامج التى تحبى تشوفيها فى التليفزيون
اية القناة الى متحبيش تشوفيها
لو عندك وقت فاضى تحبى تعملى اية او تروحى فين
ا

والله يا توتى انا مش عارفه اسالك اقولك ايه

عامتا السؤال لغير الله مذله يا ام نادر

انا قولت اسال عليكى وانتى قاعده فى الكرسى لوحدك

وحدوووووووووووووووووووووووووووووووووووووو

الله عليكي يا توتي بجد انسانة رقيقة وجميلة
اجاباتك كنت متوقعة اني الاقيها بكل العطمة والجمال ده لان دي توتي اللي انا عرفتها
انسانة جميلة بجد ربنا يبارك فيكي يا حبيبتي

ام مهندالمصرية كتب:: اهلا بروان

نورتينا واسعدتينا

وانا اشتقت اقرا

القصص اللى بيقولوا

يالاه يا ررررونه

عوزين نشوف ابداعاتك

اما الحلوة توتى

تعاليلى يا بطة

هسالك اسالة مش عادية

اسالة غير تقليدية

اولا

اخرمرة اخذتى فيها حمام سخن ( دوش )

ههههههههه....ما كفايه الدوش الى انا واخداه من الاسئله دى كلها

عندك كام سنه مسوسة ؟

لا يا قمر الحمد لله..بحافظ دايما على اسنانى ..لانها سر الابتسامه...ههههههه
مقاس الحذاء كام ؟
يعنى على حسب الموديل ..مش بتفرق معايا اللى بيعجبنى بلبسه واهى بتمشى

نوع شعرك ناعم ولا خشن ولا اكرت ؟

ليه عايزه تحدديلى نوع شا مبوووووووووو
حمامك لونه ايه ؟

رخامى والوزر رسومات على زيتى

شقتك كام غرفة ؟

يعنى الحمد لله مقضيانا ..ربنا كرمه علينا كبير ..اللهم لك الحمد والشكر
عندك عربية ونوعها ايه ؟
ماتريكس...ودي بتاعه العيله ..مش بتاعتى لوحدى

من النوع الللا بيهتم بالمظهر ولا اى كلام يا عبالسلام ؟

لالالالالالالا الا دى ..بهتم بيها جدااااااا..وبسيب عبد السلام مع نفسه
بتدى درووووووووس خصوصية؟

هو عم الحاج من الضرايب ولا ايه...ههههههههه

ترتيب يومك ايه من اول ما تصحى لحد ما تيجى تنامى ؟

يااااه دى مشكله ...ايامى مش زى بعضها ..على حسب مواعيد شغلى وترتيبات كل يوم لوحده

محجبة ولا منقبة ولا مسيبة شعورك علينا ؟

محجبه ..الحمد لله..ومش هسيب شعرى عليكوااا...ههههههه

اسم ممتك اية ؟
ههههه..ام توتى فروتى

اسم زوجك ايه ؟
زوج توتى فروتى

زوجك بيشتغل ايه ؟

مش بقولك انتى من الضرايب...هههههههههه

بتعرفى حد من الوسط الفنى

ايوه اعرف ممثله..كانت زميلتى فى المدرسه واتجهت للتمثيل.

.ومخرجه فى قناه النايل تى فى.صديقتى..

وروان كاتبه وقصصيه.....جبتلك اللى اعرفهم ومشهورين اهو يا قمر

يعنى ممثلة مغنية ؟

لا ممثله..... بس
رايك ايه فى البنات اللى بتلبس البدى والجيب القصير والاسترتش ونفس الوقت لبسة الحجاب ونصف شعرها طالع منها

اللهم اهدى نساء وبنات المسلمين ..جميييعااااا

والعيب يرجع لمين ؟

اولا ..الام..والبيت ..والتربيه السليمه..بس المهم فعلا الام تبنى فى ولادها القيم والدين الاسلامى

والعادات والتقاليد..وجذورنا المصريه الطيبه والجميله..اللهم اهدى الجميع

لو جه يوم والتقيتى ب

ايناس الدغيدى

امينه شلباية

عمر اديب

يسرا

احمد المسلمانى

تقوليلهم اييييييييييييييه؟

مش هسلم غير على احمد المسلمانى..بحب البرنامج بتاعه فى دريم وبقرأله كتير..والباقى ربنا يهديهم

هل شفتى حد من اللىموجود فى المنتدى وجه لوجه؟

عضوه اسمها شام..وروان ..

اكتبى اسم عضوة بترتحيلهاااااااااااااا ؟

كلكم يا قمر ..برتاح وانا معاكم وبحس انى وسط اخواتى

اكتبى اسم عضوة ما بيعجبكيش اسلوبهاااااااااا ؟

الحمد لله مفيش..واللى مكنش اسلوبها بيعجبنى ..مشيت اساس

اكتبى اسم عضوة متميزة ؟
مش عينفع اكتب اسم واحده بس..لان فى كتير متميزين

اكتبى اسم عضوة نفسك تشوفيهاااااااااااااااا ؟

نفسى اشوفكم كلكم ..بجد مش مجامله
سلام مع الجزء التانىىىىىىىىىى

ههههههههههههه..هو لسه فى تانى...كفايه عليكى كده يا ام مهند..خلااااويص

المشتاقة لعفو ربى كتب:: رجعتلك تاني يا جميل ومعايا شوية اسئلة خفاف جدا مش هتقل عليكي

توتي عبرى عن نفسك باختصار ؟؟

امرأه مصريه..زى كل ام وزوجه... وبحب الناس كلها

ايه هيا احلامك فى المستقبل ؟
ان ربنا يكرمنى فى ابنى وبيتى .. والصحه والستر وان تكون اخر حاجه انطقها لا اله الا الله

حلمتى حلم واتحقق؟؟
انى اكون ام

حلمتى حلم ومااتحققش ؟؟

لالالا..دى احلام كتير اوى لسه متحققتش

الحب بالنسبه لكي ماذا يعنى ايه ؟

سر الحياه والوجود..وهو السعاده ..وكل شئ ..وحب الله هو الرضا ذاته
الماضى بالنسبه لكي ماذا يعنى ايه ؟؟

ذكرى جميله..ايام وعيشناها ..على رأى عمرو دياب ..ههه

_______كل واحد فينا عنده
طموحات انتي ايه طموحاتك علي المستوي الشخصي و العائلي و

الستر والصحه ونيل رضا ربنا....والعائلى ربنا يخليلى عائلتى الجميله ويبارك فيهم

و المهني ؟

انى افضل عند حسن ظن الناس بيا..وربنا يكرمنى بمزيد من العلم اقدر افيد بيه غيرى
: امتي قلتي لاء بصوت عالي و ازاي بتتعاملي مع القيود الي بتفرضها عليكي
الحياه ؟
دائما وابدا بقول ...لالالالالالالالاء..بكره القيود ....لازم اتحرر منها ..لازم اكون انا..مش حد تانى

متى يمضي الوقت
دون ان تشعري به؟

ياااااااااااااااه ..دى حاجه صعبه اوى ان الوقت يعدى ويمر على الانسان ويحس انه معملش حاجه....انا بحاول استفيد من كل وقتى وربنا يقدرنى

- هل تتلقين النقد بصدر رحب ؟

طبعا النقد لو بناء وهادف وبطريقه احس انها لمصلحتى ومن الناس المقربين ليا..بهتم بيه جدا..انما لو نقد من شخص واحس ان من وراه الهدم وانى اتضايق ..بحاول ارد بطريقه دبلوماسيه..ومش بهتم برأيه ابدااااااااا

- نقد لمن توجينه ؟

الى نفوس البشر المريضه...اتقوا الله ..فى يوم لا رجعه فيه ..

- هل انت ممن يقتنعون بسرعة ؟

لالالالالالالالالالالالا ابدا ..اقناعى صعب جداااااا

- ماالذي يجعلك تنفجرين غضباً ؟

الكذب ..ثم الكذب ..ثم الكذب..وااخداع والنفاق
- ماذا تعني لك النصيحة ؟

مهمه جدا لو من شخص احس انه عايز مصلحتى..لاشئ لو من شخص يحاول هدمى
- هل تتقبلين النصيحه من كل من حولك سواء اعضاء او زملاءاو اهل واغراب ؟

طبعا اقبلها بس المهم ان الشخص يكون بيوجهها ليا خوفا على توتى فروتى..ليش لهدمها او لمجرد انى احس بالضيق
-

اذا رايتي موضوع ولم يعجبك او ازعجك هل تعبرين عما يعصف بك او تسكتين ؟؟

لالالالالالالالا مش بسكت ..لازم اقول رأيي وبصراحع كمان..انا ايجابيه جدا

- مارأيك بالمنتدايات العربيه علي النت وهل تؤدي الدور المطلوب منها او
مضيعه للوقت و المال في معظمها؟

على فكره هى بالقياس..بمعنى ..ان فى اغلب المنتديات تضيع الوقت.دون فائده وكمان بيبقى فيها حاجات مش مفروض انها تكون فى مجتمعنا المصرى..احنا لينا عاداتنا وتقاليدنا..وفى بعضها بتبقى مفيده وهادفه وتستفادى من وجودك فيها وبتلاقى الصحبه الطيبه فى الله..على حسب نوع المنتدى

- ماهو شعورك عندما يطرح عليك سؤال تعجزين الرد عليه ؟

الحمد لله..انا بحاول انى معجزش عن الرد على اى سؤال..بحاول انى اكون واثقه من نفسى والاقى الجواب..حتى لو هيكون بطريقه دبلوماسيه ..بس محاولش الهروب ابدا من شئ..لازم المواجهه لانها هى الثقه بالنفس..

- فرضا لو اصبحت رجلا ليوم واحد دون ان يعرف احد بالامر فما الذي سوف
تقومين به من ادوار الرجال التي لا تستطيعي القيام بها و انتي امرأة ؟؟

ههههههههههه ..عارفه حلوه اوى (دون ان يدرى احد بالامر..حسستينى ان فوزى ..اصبح فوزيه)..هههههههههههه

تفتكرى هو فى امرأه فى وقتنا الحالى مبتعملش زى الرجال واكتر كمان

طبعا انا ايجابيه جدا ومبقولش ده بتاع الرجال وده للسيدات..معنديش تصنيف

المهم ان الموضوع او الشئ يخلص ويكون ناجح كمان

[size=24]
- ما رأيك برجل اليوم....؟

ربنا يعينه على المسؤليه ...الناس كلها بقت بتجرى من اول اليوم لنهايته مش الرجال فقط..واقول لكل راجل ظلم..اتقى الله فى زوجتك

]ك[size=24]ل شخص مننا جواه نسبة حزن ياترى نسبة الحزن جوه توتي كام
في المية؟

لا تعليق ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

-
[size=24]مين اقربلك وبتحسي انه فاهمك اكتر والدك والا والدتك ؟؟؟

زوجى واختى الكبيره

- ايه الموضوع اللي اتكتب في
المنتدى هنا واتمنيتي بينك وبين نفسك انك كنتى صاحبة الموضوع؟؟؟

ههههههههههه..كل الموضوعات بتاعتكم ...كلكم

- مين الصديقة اللي ممكن
تعتبريها قدوة ليكي وتتمني تكونى زيها؟؟

انا احب اكون نفسى....(توتى فروتى)...ومش انانيه

بس بحس ان كل انسان علشان يوصل لهدفه لازم يكون هو نفسه مش حد تانى

- لو حبيتي شخص مش حاسس بيكي ياترى تعملي ايه
؟؟؟؟
.
وانا ايه اللى يخلينى احب حد مش حاسس بيا...ههههههههههه

وبعدين انا حبيت زوجى وهو حبنى ..خلااااااص يا قمر

- هاقولك كلمات توجهيها لاشخاص
في منتدانا الغالي
-
بحبــــــــك
يووووووووورا

-
مواضيعك ممتازةr=red]ام مهند المصريه

[size=16]- انت
فين وغايب عننا ليه

مؤمنه بالله
-
المنتدى وحش من غيرك

الاء وسيم
-

رأيك بيعجبنى

سوبر نانى
- انت
شخصية محبوبة جدا في المنتدي

المشتاقه لعفو ربى
- انت دمك خفيف اوى
نودى

- انت شخصية قوية تتحمل الصعاب

راجيه المغفره
- هل خسرتى صديقة قبل كده؟ وليه ده حصل؟

اكيد مش بنفضل على علاقه بكل اصدقائنا اكيد فى اصدقاء بنلاقى نفسنا اختارناهم غلط..و غلط اننا نقول عليهم كلمه صديقه..لانها بتكون كلمه اكبر منهم بكتير

ايه السبب ..تعددت الاسباب والخيانه واحده والكدب واحد والخداع واحد

وياترى بتعامليها ازاى دلوقت لو اتقابلتوا؟؟

لالالالالالالالالالا ..مش بحطها فى دماغى ..عندما ارمى شيئا ما بالارض ..لا انحنى والتقطه
- هل حد ظلمك لدرجة انك قلتى مش ممكن
اسامح؟؟؟ وياترى ايه الموقف لو ده حصل؟؟؟

طبعا حصلى..وكانت وصدمته كبيره جدا عليا..بس تمالكت ..الحمد لله..وتماسكت
الموقف ..كان كدب وخداع ..من اشخاص مكنتش اتوقع منهم ده..ومكنتش اتوقع ان كل الطيبه والرقه والحنيه دى كلها اللى بيظهروا بيها ..ما هى الا مجرد قناع وتمثيل ساذج وتافهه من اشخاص اتفهه

- ايه العيب اللي شوفتيه في توتي وقدرتى
تغيريه؟؟؟؟ وايه العيب اللي شوفتيه ومش قادرة تتغلبي عليه؟؟؟

العيب ..انى بثق فى الناس جدا..وساعات بلاقى فى الاخر ..الكدب والخداع

وقدرت اغيره ..الحمد لله..بالمثل اللى بيقول..لا تضع البيض كله فى سله واحده..يعنى مش بحط كل الثقه والعشم فى الاشخاص علشان لو انخدعت بتصدم جدا..اتعلمت انى احذر من صديقى قبل عدوى

- ايه العيب او الصفة اللي
ماتقدريش تتحمليها في اللي قدامك؟؟؟؟؟

الكذب ....والخداع...والنفاق..والتمثيل بالطيبه والرقه..كلها اقنعه

- بتحبي ايه اكتر حاجة في كل من:

- شهور السنة

ابريل
- فصول السنة
الشتاء

-ايام الاسبوع

الجمعه
- الليل والا النهار
الليل والفجر

- الأكلات
المحاشى بانواعها والبشاميل

- المشروبات

النسكافيه والكابيتشينو

- الالوان

البينك

- لو هاتسافري مكان ومطلوب منك تاخدى شخصين بس معاكى تختارى
مين؟؟؟

مش هينفع واحد..لو واحد بس..مش هسافر..

لازم يكون معايا زوجى وابنى

-
دموعك سهل حد يشوفها والا صعب؟؟؟ وياترى مين الشخص اللي ماتخجليش لو
شاف دموعك في اى وقت؟؟؟

دموعى ..صعب جدا ..ان حد يشوفها..بس الوشخص الوحيد اللى مخجلش انه يشوفها هو..توتى فروتى

ايه البلد اللي تحبي
تزوريها؟؟ ولو ماكونتيش مصرية كنتى تتمني تكونى من اى بلد؟؟؟[/size]

هههههههه..لو لم اكن مصريا لوددت ان اكون..اسكندرانيا ..بورسعيديا..دقهليا ..ههههههههه

- ايه السؤال اللي كنتى تتمنى
انى ماسألوش ؟؟؟ [/size]

يا نهار ابيض...ايه بتقولى ايه..حرااااااااااااااااااام..ده انا اتهريت اسأله

ده انتوا عصرتونى بجد..مش هزار

نودى كتب:: دول شوية اسئلة
بتحبى القطط

شوفى انا مكنتش بحبها ..لكن المحيط بيا..عندهم قطط..فاتعودت عليهم شويه مؤخرا..

كنتى تحبى تكونى اية لو مكنتيش مدرسة

صحفيه

موقف مضحك فى حياتك

كتير يا قمر...بس انا كتبت موقف فى اسئله سابقه

اقرب صديقة لقلبك

روان..حبيه قلبى واختى وصاحبتى ..ربنا يخليهالى دايما

لما بتزعلى توتى اية اكتر حاجة بتخليكى تصفى وتنسى الزعل

ضحكه من ابنى..وانى اشوفه مبسوط ..بنسى كل حاجه وكل هموم الدنيا

بتقضية ازاى

هو ايه ده اللى بقضيه ازاى يا نودى..هههههههههه

اكتر حاجة بتكونى مبسوطة وانتى بتعمليها

قراءه القرأن والصلاه

اية ميزة كل عضوة فى المنتدى من وجة نظرك

كلكم ..بجد اخوات وكلكم ذات اخلاق عاليه..الحمد لله
اجمل يوم فى حياتك
يوم ما بكون راضيه عن نفسى..وبيتى مبسوط وسعيد

اية البرامج التى تحبى تشوفيها فى التليفزيون

انا معنديش وقت اشوف تليفزيون خااااالص..ولا برامج ولا اعرفها حتى

اية القناة الى متحبيش تشوفيها

قنوات الاغانى والرقص..اعوذ بالله.اللهم احفظنا جميعا

لو عندك وقت فاضى تحبى تعملى اية او تروحى فين
ا

ههههههههههه..مبحبش اروح فى حته..انااااااااااام واانتخ كده ومعملش حاجه

هههههههه..لكن فى الصيف اى مصيف واى مكان يكون فيه بحر

اخيييرااااااااااا خلصت الاجابات

الحمد لله..بجد تعبتونى وخرجتوا كل حاجه جوايا

ده انتوا مخلتوش لا كبيره ولاصغيره غير لما عرفتوها

عارفين اللى هيرجع ويحط ..نص سؤال ..ولا حتى حرف واحد

هحظره ..وحظر نهائى كمان...اوعوا حد يكتب اى سؤال

اما بقى الجميله اللى هتيجى بعديا فيكوا ..انا هتوصى بيها على الاخر

واحب اختار مين...

اختار مين

اختار مين

ام مهند المصريه

يالا يا بنات

بالله عليكوا اتوصوا بيها على الاخر

عايزاها تقعد تلات اسابيع تجاوب كده

اما نا هرجعالك احطلك شويه اسئله

تماااااااااااااااااااام

ماشى يا توتى
طب دانا حتى متقلتش عليكى فى الاسئلة
وكنت هعملك جزء تانى بس قلت يا بت يا ام مهند
كفاية عليها كده

كرسي الإعتراف... - صفحة 4 243591

تقومى تحطينى على الكرسى

طب دا اسئلتى نسمههههههه
هه
كده نسهههههههههه

كرسي الإعتراف... - صفحة 4 458472

على العموم ام مهند
بتتحد الصعاب
وانا فى انتظار اى سؤااااااااااااااال
وبراحة عليا شويا

كرسي الإعتراف... - صفحة 4 643777

انا حبيبتكم
هه
ام مهند

هه

كرسي الإعتراف... - صفحة 4 643777

اسئلة كده حلوة وما تسمعوش كلام توتى

كرسي الإعتراف... - صفحة 4 135970

انشاء الله يا ام مهند انتظرى الاسئلة وعايزة اجابات وافية

انا حبيبتك يا رورو
اوعى تسمعى كلام توتى
اسئلة صغننين

اولا عرفينا بنفسك

الاسم

العمر

الحالة الاجتماعية

اية رايك بمنتدى سوبر نانى

اية الفصل الا بتحبية جدا الصيف ولا الشتا

مين العضو الا بيعجبك مواضيعة

مين العضو الا بتحبى تتابعى مواضيعة

مين العضو الا بتعجبك شخصيتة

مين العضو الا بتحسلى انة قريب منك

مين العضو الا بتحسى انة حزين

عضو تقولى لة قلمك رائع

عضو تقولى لة انت مبدع
د
عضو تقولى لة انت فاكهة المنتدى

ماهو لونك المفضل
-احد علماء النفس قال ذات مرة : أنه باستطاعة الإنسان العيش من دون أصدقاء ..ماذا ترى أنت

-" رب أخ لك لم تلده أمك " ، هل وجدت أخا ينطبق عليه هذا المثل

-متى أحسست بأنك اضعف مخلوق على وجه الأرض

- برأيك ما الذي يجعل احدنا يستمر في طريق يعرف مسبقا أنه لن يوصله إلى ما يحلم ويتمنى؟

-ما رأيك بالعبارة: مَنْ يبتسم كثيراً يخفي جبل من الأحزان..

-ما هي السعادة بنظرك

-موقف غير طريقة تفكيرك أو غير نظرتك للحياة أو ساهم في تغيير حياتك

ماهى اصعب كلمة تقولها لاى شخص

شعورك لما تقابلى شخص مش بيفهمك

من هو كاتم اسرارك

كلمة هزت وجدانك اية هية ومين الا قالها

- أحب الناس إليك بعد والدتك

-هل شخصيتك في المنتدى تعكس شخصيتك الحقيقة

كلمة توجهيها لية

اظنى ما تقلت عليكى ام مهند كفاية كدة صح

تحياتى اليكى

احبك فى الله

مستنين اجاباتك ام مهند متتاخريش علينا يقمر

قعدوكي يا ام مهند علي الكرسي طيب اقعدي وارتاحي علي الأخر لأن شكلهم كده ناوين يعصروكي
انا هرجعلك تاني بشوية اسئلة صغننين اوي اوي
متخافيش مش هتقل عليكي
ويالا ردي علي اسئلة راجية بسرعة احنا بنستناكي

ماشى يا راااااااااااااااجيه
هما دول الاسئلة الصغننين
شفتى يا مشتاقة يا حبيبتى
شكلهم نويلى
وخصوصاااااااااااااااا

توتى

ربنا معايا ان شاء الله

انا رجعت تاني يا ام مهند ومعايا شوية اسئلة يالا جاوبي بسرعة
انتي أدها وأدود يا قمر

_ هل انت تفعلين ما تقولينه هنا بالمنتدى ..؟؟

_
اعتذار تريد ان تقدميه لمن ..؟؟

_
ماذا ستكتبين لنا لتعبري عن حياتك التي عشتها الى الان في كلمات
قليله ..؟؟

_ اذا اردت ان تبكي الان ,
فعلى من تبكي ..؟؟

_ من ستختارين ليمسح
دموعك ..؟؟

_ماهو تقيمك لهذا المنتدى بصراحه
..؟؟

_ من يسكن قلبك ..؟؟

_
هل تعتقدين ان حظك سيئ ..؟؟

_ هل
هزمك حزنك في يوم من الايام ..؟؟

_ ((مستحيل انســـاك)) لمن تقولينها ..؟؟

_ (( اللي
راح راح وماتفيد كلمة ياريت )) إذاأردت ان توجهي هذه
العباره لنفسك, فماذاتقصدين بها ..؟؟

_
(( انت كل شيءبحياتي )) لمن تقولها ..؟؟

_
متى اخر مره بكيت ..؟؟

_ اي الدولتتمنى
ان تزوريها ..؟؟

_هل انت راضية عن نفسك
..؟؟

_بماذا تقرين وتعترفين أمامنا الان ..؟؟

_
اغمض عينك دقيقه لو سمحت, ماذا خطر على بالك وانت مغمض العينين
..؟؟

_هل تؤيد الزواج العاطفي ام الزواج
التقليدي ..؟؟ ولماذا ..!!

_ايهما اهم شهادتك
الجامعيه أم الزواج ممن تحب ..؟؟

_هل انت مدمن تفكير
..؟؟

_ من هو اكثر شخص تفكر فيه ..؟؟

_
اذا تم تعينك ملكا لجميع البلاد العربيه فما اول
قرار ستتخذه ..؟؟

_هل تكره شخص بشده في حياتك
..؟؟

_ ما هو اقتراحك الذي تتمنى ان يحدث
في هذا المنتدى ولم يحدث الىالان ..؟؟

_هل
ملابس الشخص امامك تؤثر فيك لتأخذ عنه انطباع ..؟؟

_ماالذي
يلفت انتباهك بسرعه في الشخص لكي تعجبين به ..؟؟

_ اذا
احببت شخصا في الوقت الخطأ وفي المكان الخطأ فماذا تفعلين ..؟؟

_
حكمة تؤمنين بها جدا ..؟؟

_ عاده
تفعلينها دائما تتمنى ان تتركيها ..؟؟ماهو اجمل
اسم لولد واجمل اسم لبنت من وجهة نظرك ..؟؟

_ ماذا
تفعلين اول شيءاذا تحصلت على ملايين او مليونا عشان مانكون
طماعين ..؟؟

_ هل انت من لديهم رغبة
حب التملك واذا تملك الشيء اصابه الملل منه ..؟؟

اولا عرفينا بنفسك
انسانه بتترجى رضا ربهااااااااااااا

الاسم
ام مهند المصرية

العمر
33 سنه

الحالة الاجتماعية
متزوجة ولدى
اولاد

اية رايك بمنتدى سوبر نانى
احلى منتدى انا عرفته وسجلت فيه

اية الفصل الا بتحبية جدا الصيف ولا الشتا
بصراحة الشتا
علشان ما بحبش الحر ولا التراب
وكمان الدفاااااااااا عفاااااااااا

مين العضو الا بيعجبك مواضيعة
بصراحة والله من غير نفاق
كل عضوة لها موضوعات جميلة فى مختلف الاقسام
وكل العضوات موضعهم عجبانى وكل موضوع وله ميزة

مين العضو الا بتحبى تتابعى مواضيعة
توتى فروتى
اصل انا بدءت انسى الانجليزى
فحبيت احى لغتى من تانى

مين العضو الا بتعجبك شخصيتة
سوبر نانى
سخصية انا اعجبت بها واحترمتها
لقوة احتمالها وصبرها
وبحس انها ديما يمر عليها مواقف صعبة كتير
وبتحتملها وبتتصرف فيها بحكمة

مين العضو الا بتحسلى انة قريب منك
راجيه المغفرة

مين العضو الا بتحسى انة حزين
ما فيش حد وربنا ما يجيب حزن لحد

عضو تقولى لة قلمك رائع
المشتاقة لعفو ربى

عضو تقولى لة انت مبدع
نودى

عضو تقولى لة انت فاكهة المنتدى
صمت الليالى

ماهو لونك المفضل
هما لونين
الازرق بمشتقاته
والبنفسجى-

احد علماء النفس قال ذات مرة : أنه باستطاعة الإنسان العيش من دون

أصدقاء ..ماذا ترى أنت
لاء انا مش متفقة مع العالم
او انا معرفش اعيش من غير اصدقاء

-" رب أخ لك لم تلده أمك " ، هل وجدت أخا ينطبق عليه هذا المثل
اه ليا انسانه غاليه
بمثابه الاخت

-متى أحسست بأنك اضعف مخلوق على وجه الأرض

بصراحة يوم وفاه اخويا الاكبر
حسيت انى لا ليا ضهر ولا سند
وانى ضايعة ومازلت من غيرة ضايعة وضعيفة

- برأيك ما الذي يجعل احدنا يستمر في طريق يعرف مسبقا أنه لن يوصله إلى ما يحلم ويتمنى؟
اهو الواحد يحاول ويجرب
يمكن تيجى مع العمى طباط

-ما رأيك بالعبارة: مَنْ يبتسم كثيراً يخفي جبل من الأحزان..
ممكن محدش عالم
الانسان بيخفى ايه ورا ابتسماته

-ما هي السعادة بنظرك
السعاده هى رضا الله عليا
ورضا الزوج ورضا ولادى عليا ورضا الاهل
ورضا كل اللى بيحبونى

-موقف غير طريقة تفكيرك أو غير نظرتك للحياة أو ساهم في تغيير حياتك
مجاش لسه الموقف اللى يغير موقفى للحياه

ماهى اصعب كلمة تقولها لاى شخص
الظلم
كلمه صعبه انى اقولها لحد او حد يقولهالى

شعورك لما تقابلى شخص مش بيفهمك

مش عارفة
نصيبى بقا انى قابلته

من هو كاتم اسرارك

زوجى

كلمة هزت وجدانك اية هية ومين الا قالها

حساسة

اللى قالهالى بابا
وديما يقولى انتى يا حبيبتى انسانه حساسه

- أحب الناس إليك بعد والدتك
بابا وزوجىواولادى واختى

-هل شخصيتك في المنتدى تعكس شخصيتك الحقيقة
والله انا فى المنتدى بتعامل مع اى حد بطبيعتى
وده مع اى حد
معرفش اتعامل بشخصية تانية

كلمة توجهيها لية
حرام عليكى يا راجية
بصراحى الله يكون اللى بيقعد على الكرسى
بيطحن ويتعصر ويتشرب كمان
ومسيرك تجربى
اظنى ما تقلت عليكى ام مهند كفاية كدة صح

تحياتى اليكى

احبك فى الله

شكرا لكى ام مهند على صراحتك

واجاباتك الجميلة

المشتاقة لعفو ربى كتب:: انا رجعت تاني يا ام مهند ومعايا شوية اسئلة يالا جاوبي بسرعة
انتي أدها وأدود يا قمر

_ هل انت تفعلين ما تقولينه هنا بالمنتدى ..؟؟
اكيد والله يعلم ربنا انى صريحة
مع الكل

_
اعتذار تريد ان تقدميه لمن ..؟؟

الحمد لله انا مزعلتش حد
علشان اعتذر له
وعلى فكرة انا لما بحس انى غلط
بحب اعتذر

_
ماذا ستكتبين لنا لتعبري عن حياتك التي عشتها الى الان في كلمات
قليله ..؟؟
اقول الحمد لله انا بعتبر نفسى عشت طفولتى بشكل جميل
والحمدلله ربنا قريب منى
واغلب اللى تمنيته اتحقق
والحمد لله مبسوطة وراضيه باللى يدهونى ربنا

_ اذا اردت ان تبكي الان ,
فعلى من تبكي ..؟؟على اغلى انساااااااااااان انتقلت روحه للرفيق الاعلى
وهو اخويا
حبيب قلبى الغالى

_ من ستختارين ليمسح
دموعك ..؟؟

امى واولادى

_ماهو تقيمك لهذا المنتدى بصراحه
..؟؟
بصراحة انا اقيمه بقيمة موضوعاته وعضواته
واغلى واعلى قيمه له
هى سوبر نانى
يعنى بالعربى كده
100
100

_ من يسكن قلبك ..؟؟
زوجى
واخويا الغالى

_
هل تعتقدين ان حظك سيئ ..؟؟

لاء الحمد لله انا حظى من توفيق ربنا ليا

_ هل
هزمك حزنك في يوم من الايام ..؟؟
اكيد طبعا

_ ((مستحيل انســـاك)) لمن تقولينها ..؟؟
لاخويا الله يرحمه

_ (( اللي
راح راح وماتفيد كلمة ياريت )) إذاأردت ان توجهي هذه
العباره لنفسك, فماذاتقصدين بها ..؟؟
اى مواقف بتحسل بين الاخوات فى الصغر والكبر
اقولها لنفسى

_
(( انت كل شيءبحياتي )) لمن تقولها ..؟؟

لاولادى
وزوجى
وامى وابويا واخواتى

_
متى اخر مره بكيت ..؟؟
بصراحة دلوقتى عند سؤالك على من ابكى

_ اي الدول تتمنى
ان تزوريها ..؟؟

السعودية
علشان احج او اعتمر

_هل انت راضية عن نفسك
..؟؟
الحمد لله
بس بحس انى مقصرة فى حق ربنا شويه

_بماذا تقرين وتعترفين أمامنا الان ..؟؟
اقر واعترف انى اتبهدلت من اسئلتكم
هههههههههه

_
اغمض عينك دقيقه لو سمحت, ماذا خطر على بالك وانت مغمض العينين
..؟؟
انى اروح اعمل عمرة

_هل تؤيد الزواج العاطفي ام الزواج
التقليدي ..؟؟ ولماذا ..!!

العاطفى طبعا

علشان الحب هو الطريق لبدايه الحية الزوجيه
والزواج والعشرة من غير حب ما يبقاش فيهه ترااااااااااااااااااضى

_ايهما اهم شهادتك
الجامعيه أم الزواج ممن تحب ..؟؟

الاتنين

_هل انت مدمن تفكير
..؟؟
مش اوى

_ من هو اكثر شخص تفكر فيه ..؟؟
معلش اقولكم تانى
اخويااااا عمره ما بيروح من بالى
وديما بفكر فيه
لدرجة انى عملت عمليتين
ولما يفوقونى ديما انادى عليه

_
اذا تم تعينك ملكا لجميع البلاد العربيه فما اول
قرار ستتخذه ..؟؟
متهيالى ان دى مسئوليه كبيرة اوى اوى
ومن الغالب انتى اتنازل عنها
لانى مقدرش اتخذ قرار
وبعدين احس بتانيب الضمير
هل هو قرار ظالم ام عادل
بس لو ما فيش تنازل ومجبرة على ان اكون ملكا
ان شاء الله هتبقى فى اشياء مدروسة قبل اتخاذ القرارات
بس فى المقدمة هفكر فى طريقة امحى بيها اسرائيل من على الوجود

_هل تكره شخص بشده في حياتك
..؟؟
لاء بس اكره اى حد يظلمنى

_ ما هو اقتراحك الذي تتمنى ان يحدث
في هذا المنتدى ولم يحدث الىالان ..؟؟
اقتراح لوحة الشرف

_هل
ملابس الشخص امامك تؤثر فيك لتأخذ عنه انطباع ..؟؟
اه طبعا

الانسان بيبان من مظهره
وانا احب الشخص الانيق

_ماالذي
يلفت انتباهك بسرعه في الشخص لكي تعجبين به ..؟؟
طريقة كلامه
ومعملته لاخرين

_ اذا
احببت شخصا في الوقت الخطأ وفي المكان الخطأ فماذا تفعلين ..؟؟
مش هفعل حاجة
لانى محبتش ولا هحب غير زوجى

_
حكمة تؤمنين بها جدا ..؟؟
اتقى شر الحليم اذا صبر

_ عاده
تفعلينها دائما تتمنى ان تتركيها ..؟

انى ابطل غسل السجاجيد
زمنها بتقول ارحمونى من الست دى
ههههههه

؟ماهو اجمل
اسم لولد واجمل اسم لبنت من وجهة نظرك ..؟؟
مهند

منه الله

_ ماذا
تفعلين اول شيءاذا تحصلت على ملايين او مليونا عشان مانكون
طماعين ..؟؟
على فكرة انا شاريه
شهادتين
المليون تبع البنك طبعا

وقلت ان شاء الله لو حاجة كسبت فيهم
هطلع عشرة من اهل الله
لعمرة رمضان
واكيد هحج انا وزوجى واولادى

_ هل انت من لديهم رغبة
حب التملك واذا تملك الشيء اصابه الملل منه ..؟؟

لاء والله
بس انا فى ميزة مش عارفة هيا حلوة ولا وحشة

بحب احتفظ بالحاجات اللى ليها زكريات عندى

جزاكي الله خيرا ام مهند علي اجاباتك الرائعة وان دلت علي شئ فانها تدل علي انسانة حساسة وطيبة ورقيقة
بارك الله فيكي حبيبتي

الله يخليكى مشتاقة
اهوه خلصت اسئلتك واسئلة راجية
ربنا يستر من الباقى
حاسة كده ان توتى بتمخمخلى
ادعولى

ها أنا عدت كما وعدتك ..يا ام مهند
محملا ً بأسئلة علها تكون خفيفة ..
على نفسك الراقية ..

لكي لا اطيل ..
ادعك معها ..

\

/

س1/ اعطني صبراً اجالد به صخر ..! ماهو الموقف الذي كنت تحتاج الى صبر فيه؟؟

س2 / مارايك بالكلمات التاليه :::::
الحب - الرومانسيه - الجمال -ام مهند المصريه- سوبر نانى- توتى فروتى - مصر؟؟؟

س3/ يقول برواينغ { افتحوا قلبي وستجدون به ايطاليا }
فمن في قلب ام مهند المصريه (شخص وليس مدينه)؟؟

س4/ ما هو الشي اللي يخلي أم مهند فرحاانه ؟

س5/ ما هو المكان اللي تحس عمرك مرتااح فيه؟

س6/ما هى الكلمه اللي ترددها دائما ؟

س7/ كلمه سمعتها ودائا ً على بالك ولاتقدر تنساها ؟

س8 / نصيحه من والدك او من اي شخص اخر تعتبرها منهج في حياتك الى هذه اللحظه؟

س9/ هل بودك ان ينضاف قسم في المنتدى ؟ وما برايك ممكن يكون اسم هذا القسم ؟
س10/ ما هى الاكله اللي ماتستغني عنها في يوومك ؟

س11/ ما هو المكان اللي ماتحب تروح له ابد لكن تروح له وانت مغصوب ؟

س12/ ماهو رايك بالمنتدى بصراحه تامه ومطلقه ؟؟

س13/ ماهي اوجه القصور والسلبيات فيه بعدسةام مهند المصريه.؟

س14/ماهي اقتراحاتك للمنتدى ..؟

س15/ ما هى الاقلام التى لفتت نظرك فى المنتدى ولها كتابات مميزة ؟

س16/ قلم وورقة بين يديك ماذا سوف تكتب من مداد حبره على سطور تلك الورقة ولمن؟

س17/ عندما يبكي الطفل يبكي على صدر أمه ...!!
فعلى صدر من تبكي ام مهند المصريه؟؟
س18 / أكبر عيوبك وتتمنى أن تتغير ..؟

س19/ من هى توتى فروتى..بنظرام مهند المصريه..وماذا توجهى لها من كلمات ..؟

\

/

آمل أن اكون قد حضرت في ضيافتك ..
ضيفا ً خفيفا ً محملا ً بأسئلة ..خفيفة ..

دمت برقي اختى ..

...وشكرا ً

كرسي الإعتراف...

كرسي الإعتراف...

مواضيع مماثلة

مواضيع مماثلة