شكرا يا سيم على الموضوع

انا كان نفسى ادخل المدرسة جدا لانى كنت شايفة اخواتى الولاد بيجيبو كراريس وكتب والوان وانا لا لية

ومنت بشوف خالى وهو بيذاكر لاخويا الا اكبر منى الحساب وكنت بقعد معاهم وكنت بفهم كل حاجة وعرفت احل المسائل احسن منة

اكتر مرحلة حبيتها كانت اعدادى كنت بروح رحلات وكانو اصحابى هناك كتير ومحبوبة من الاساتذة كلهم

ولما جيت لثانوى كرهتها علشان الفرنساوى حصل لى عقدة منة بسبب الابلة ايامها ما كانتش بتشرح كويس وكانت عصبية

علشان ناخد عندها درس وانا عندت وما خدتش

تصورى انا الوحيدة الا اخدت ملحق فى الفرنساوى فى جميع اولى ونجحونى ايامها
ههههههههههههههه

مشكووووووووورة يا راجية علي تفاعلك معايا في الموضوع

وشكلك كنتي طالبة شاطرة وذكية علشان الرياضة ومسائل الرياضة محتاجة طالب ذكي علشان يتفاعل معاها

وبخصوص الفرنساوي انا الحمد لله ما اخدتهوش كنت معفاه منه

لاني كنت مسافرة في اولي ثانوي امريكا ولما رجعت في تانية ثانوي عافوني منه لاني ما اخدتهوش في اولي

ههههههههههههههه

وبصراحة انا بحمد ربنا ان ما اخدتهوش لاني بجد مش بحب الفرنساااااااااااااااااوي بستغلسه

هههههههههههههه

موضوع حلو اوي يا سيم جزاكي الله خيرا حبييبتي
هترجعيني لاحلي ايام عمري يا ريتها كانت دامت وفضلت صغيرة في المدرسة
انا كنت بحب المدرسة جدا وكنت محبوبة اوي من زميلاتي ومدرسيني وكنت شاطرة وبحب الحساب بصورة مبهرة
واكتر فترة حبيتها وبتمني ارجعلها تاني هي مرحلة المعهد بعد الثانوية رحت معهد في بورسعيد وكان معايا في بيت الطلبة بنات من الاسماعيليه والسويس واتعرفت علي ناس من محافطات كتير
وكونت صداقات ملهاش حدود ورحت رحلات مع اصحابي للقاهرة والسويس والاسماعيلية يااااااااااااااااااااااااااه كانت ايام حلوووووووووة احلي ايام عمري تتصوري ساعات لما اتضايق واتخنق من قعدة البيت اقعد افتكر الايام دي مانا عايشة علي الذكري هههههههههه

مشكورة حبيبتي علي مشاركتك لموضوعي

وبجد احلي حاجة لما يكون الواحد متدايق من حاجة يفتكر احلي ايامه مع اصحابه اللي بيحبهم ويحبوه

مشكوووووووووووووووووورة يا قمر

يااااااااه يا سيم فكرتينا بالذى مضى
انا ولله الحمد
اقدر اقولك انى 90% نسيت التعليم
وبفتكرة دلوقتى مع بنتى وحده وحده
بس انا كنت بطلع ديما التالته على الفصل
وكنت بحب الانجليزى والفرنساوى
علشان اقعد اتعوج بكلامى
وحفظة جمله من سنه اولى اعدادى اقولهالك بس بالعربى علشان انا نسيت
اوب سير فاسيون دوشيف دا طبل سمول

فرنساوى فرنساوى
يلاه الحمد لله على اللى فكرينه

مشكورة ام مهند علي مرورك المنوررررررررررررر