صور الحج السنادى على الموبايل 2010

انا نفسى احكلكم خواطرى فى احلى رحله فى حياتى برغم التعب والمشقه
الى حسينا بيها بس بجد تعب لذيذ جدا
وطبعا مهما وصفت مش هقدر الا لو جربتوه بنفسكم
ربنا يكتبهالكم يارب

قبل الرحله وقبل اى حجز كنت قلقانه جدا جدا من الرحله وحاسه بحاجه هتحصل
مش عارفه ايه
واولادى كنت محتاره جدا انى اخدهم معايا هيكون تعب جداجدا عليهم
بس فى الاخر قولت لا ده الشيطان واستعذت بالله منه وتوكلت على الله واستعنت بالله
والله سبحان الله بعدها ربنا شرح صدرى ويسر أمرى ورزقنا بناس ربنا يباركلهم طلبوا الاولاد يبقوا عندهم
وسيبنا عمر وخدت على عنده 2 ونص
وتوكلنا على الله

بدايه الرحله
هى المفروض 16 ساعه من الدمام لمكه احنا والحمد لله خدناها فى 33 ساعه فى الباص
والله منتهى التعب والحمد لله
واخيرا الوصول لمكه طبعا علشان ندخل مكه مش قادره اوصفلكم الزحمه
هى المفروض كلها من الميقات لمكه حوالى ساعه او ساعه ونص
احنا بقى 5 ساعات فى الاتوبيس علشان الوصول لمكه

كان يوم الوصول يوم الترويه
يوم 8 من ذى الحجه
رحنا على الحرم علشان طواف وسعى القدوم والحمد لله كان معظم الناس فى منى فكان مش زحمه قوى يعنى

تكبير الصورةتصغير الصورة تم تعديل ابعاد هذه الصورة. انقر هنا لمعاينتها بأبعادها الأصلية.

بعد كده سعى القدوم
تكبير الصورةتصغير الصورة تم تعديل ابعاد هذه الصورة. انقر هنا لمعاينتها بأبعادها الأصلية.

ده عند العلم الاخضر بيبقى فى ركد للرجال علشان كده الصوره مش واضحه قوى

تكبير الصورةتصغير الصورة تم تعديل ابعاد هذه الصورة. انقر هنا لمعاينتها بأبعادها الأصلية.

بعد كده المبيت فى منى بس احنا كنا خلالالالالالالالالالالالاص متنا من التعب رحنا نستريح شويه
علشان تانى يوم كان عرفه الله المستعان

تكبير الصورةتصغير الصورة تم تعديل ابعاد هذه الصورة. انقر هنا لمعاينتها بأبعادها الأصلية.

رحنا حوالى الساعه 9 لعرفه
الناس كتير
الزحام كبير جدا
جنسيات مختلفه كتير
ناس كبار جداجدا فى السن
والاطفال بردوا كتير وفى بيبيهات
بيحصل تدافع من الناس كتير قوى
كان جوزى خايف جدا علينا
بس بجد انا مكنتش فارقه معايا هو حد يطول
وفعلا فى ناس كتير ماتوا
بجد اصعب يوم

ملحوظه: ناس كتير فاكره انى يوم عرفه هو الوقوف على جبل عرفه
ولكن الجبل ده اسمه جبل الرحمه
يقول النووي: وما اشتهر بين العوام من الاعتناء بصعود الجبل وتوهمهم أنه لا
يصح الوقوف إلا فيه فغلط، بل الصواب جواز الوقوف في كل جزء من أرض عرفات، وأن
الفضيلة في موقفه -صلى الله عليه وسلم- عند الصخرات، فإن عجز عنه فليقرب منه بحسب الإمكان.

وصلى الله على سيدنا محمد النبى الامى وعلى اله وصحبه وسلم

تكبير الصورةتصغير الصورة تم تعديل ابعاد هذه الصورة. انقر هنا لمعاينتها بأبعادها الأصلية.

هو المفروض كنا دخلنا جوه خالص علشان نلاقى مكان هين شويه
بس علشان نطلع بقى هيبقى صعب جدا جدا
بجد كل ما يقرب وقت الغروب تلاقى التكبير يعلى والناس كلها تكبر مع بعض
سبحان الله
احساس صادق فعلا انى ربنا يغر الذنوب
سبحان الله
ففي
صحيح مسلم عن عائشة _رضي الله عنها_ عن النبي صلى الله عليه وسلم قال: (ما
من يوم أكثر من أن يعتق الله فيه عبدأ من النار من يوم عرفة، وإنه ليدنو
ثم يباهي بهم الملائكة فيقول: ما أراد هؤلاء؟).
وعن ابن عمر أن النبي
صلى الله عليه وسلم قال: (إن الله تعالى يباهي ملائكته عشية عرفة بأهل
عرفة، فيقول: انظروا إلى عبادي، أتوني شعثا غبراً) رواه أحمد وصححه
الألباني".

يااااااااااااااااااه كل الناس دى ربنا يباهى بيهم الملائكه سبحان الله
موقف عظيم قريب جدا بموقف يوم القيامه
مع فرق انى محدش عارف حد خالص
ولا يوجد ماء
يوم عرفه اهم حاجه فيه الميه ياه ليها بجد طعم تانى هى روحنا
ولا اكل ولا شرب ميه بس

ربنا يظلنا بظله

تكبير الصورةتصغير الصورة تم تعديل ابعاد هذه الصورة. انقر هنا لمعاينتها بأبعادها الأصلية.

تكبير الصورةتصغير الصورة تم تعديل ابعاد هذه الصورة. انقر هنا لمعاينتها بأبعادها الأصلية.

تكبير الصورةتصغير الصورة تم تعديل ابعاد هذه الصورة. انقر هنا لمعاينتها بأبعادها الأصلية.

وبعد كده الذهاب لمزدلفه لصلاه المغرب والعشاء
والمبيت هناك وجمع الحصى
اسفه مصورتش مزدلفه الموبايل بتاعى كانفصل شحن

اليوم العاشر رمى جمره العقبه الكبرى الاولى بسبع حصيات
قبل زوال الشمس
يوم النحر

تكبير الصورةتصغير الصورة تم تعديل ابعاد هذه الصورة. انقر هنا لمعاينتها بأبعادها الأصلية.

وبعد كده المبيت بمنى فى هذه اليله

منى بردوا كان ناس كتير جدا

تكبير الصورةتصغير الصورة تم تعديل ابعاد هذه الصورة. انقر هنا لمعاينتها بأبعادها الأصلية.

طواف الافاضه
كان زحمه جدا جدا احنا رحنا حوالى الساعه 7 الصبح كان شويه اربع اشواط من تحت وبعد كده معرفناش نكمل من كتر الزحمه
كان الطواف بيقف ما يتحركش خالص
طلعنا الدور الثالث
كان بردوا رايق فى الاول
الصور دى لطواف الافاضه من الدور التالت
كملنا باقى الاشواط
وفى اوقات كتير من كتر الزحمه بتغلق ساحه الحرم ويمنعوا الدخول من الزحام
ويقولوا اطلع فوق يا حاج هتموتوا هنا

وتغلق بشريط بلاستيك كده وماحدش يدخل

التصوير من الدور الثالث
سبحان الله

تكبير الصورةتصغير الصورة تم تعديل ابعاد هذه الصورة. انقر هنا لمعاينتها بأبعادها الأصلية.

طواف الافاضه كان ممتع جدا جدا بالنسه لى
سبت ابنى مع جماعه اصحابنا فى السكن وعيشت مع نفسى كان بجد رائع
اللهم تقبل

تكبير الصورةتصغير الصورة تم تعديل ابعاد هذه الصورة. انقر هنا لمعاينتها بأبعادها الأصلية.

تكبير الصورةتصغير الصورة تم تعديل ابعاد هذه الصورة. انقر هنا لمعاينتها بأبعادها الأصلية.

الدور الثالث
كان فى الاول رايق لكن واحنا مروحين بجد زحمه موووووووت

ورمينا بعد كده فى اليوم الحادى عشر
جمره العقبه الكبرى والوسطى والصغرى
والمبيت فى منى

أيام الرمي أربعة : يوم النحر ، وأيام التشريق الثلاثة
احنا رمينا ثنى يوم كمان
ورمينا الثالث مع الرابع للمتعجل

وطبعا المبت فى منى الا اخر يوم للمتعجل

وبعد كده رحنا طواف الوداع
طبعا زحمه جدا جدا كل الادوار

تكبير الصورةتصغير الصورة تم تعديل ابعاد هذه الصورة. انقر هنا لمعاينتها بأبعادها الأصلية.

بس احنا رمينا قبل الزوال علشان كنا ماشين اليوم ده وفى علماء اجاذوا

طبعا فى صلاه العصر كانت الشمس طالعه والجو جميل
فجأه المطره مطرت والشيخ ابتدتى يسرع فى الصلاه انا قولت ايه اول
ما الشيخ خلص صلاه كله هيجرى ومش هيبقى فى حد فى صحن الكعبه
لكن سبحان الله
والله الناس بتزيد مش بتقل
مع انها كان مطره شديده قوى قوى
كانت بجد سيول وزحام للخروج وغلق الحرم عدم دخوله الا بعد صلاه المغرب
كان يوم صعب
بس جميل جدا
جالى كده احساس انى ربنا بيغسل ذنوبنا بالمطره
وكمان بيغسل مكه علشان بجد الناس كانوا فيها كتير قوى
والشوارع زحمه جدا
قولت ربنا بيطهرلهم المدينه فى الفيروسات
سبحان الله

والحمد لله عدى على خير
بس تخيلوا من صلاه العصر لصلاه المغرب بنحاول بس نخرج من الحرم

يتابع

وخرجنا والحمد لله واتجهنا على المدينه للاسف مصورتهاش
علشان دخلنا من الخلف

بس صورت جبل احد
جبل جميل جدا وكانه بيتكلم سبحان الله وكبير قوى وعظيم بجد
وكل ما افتكر كلام الرسول صلى الله عليه وسلم
أحد جبل يحبنا ونحبه
ياه جبل يحبنا سبحان الله

ومن ما يؤثر عن هذا الجبل العظيم: أنه صعد الرسول جبل أحد ومعه أبو بكر وعمر وعثمان فاهتز بهم فقال النبي : «إثبت أحد، فإنما عليك نبي وصديق، وشهيدان».[2] وعن قتادة عن أنس بن مالك ‎ قال : قال رسول الله : «إن أحد جبل يحبنا ونحبه».[3]

طبعا انا نزلت علشان اشوف جبا احد وليس ازور الشهداء
لعن الله زوارات القبور

ويوجد قبر سيد شهداء الجنة
,, أسد الله حمزة عم رسول الله وقبر جعفر الطيار
وباقي الصحابة شهداء أحد رضي الله عنهم ..
وأخيرا رحنا المدينه صلينا الجمعه فيها
ومشينا بجد جميله جدا
دى صوره جوزى اخدها بس فى عمره مره تانيه

وبجد والله العظيم مشتاقه جداجدا للحج ربنا يتابع لنا
بين الحج والعمر ويكتبها لجميع المسلمين وآسفه على الاطاله

بس حبيت انقل مشاعرى ليكم
وكل سنه وانتوا طيبين

عقبال يارب كل الي بيتمنا يظور هذا المكان الحميل ربتا يوعدنا يارب صور الحج السنادى على الموبايل 2010 89581

ماشاء الله يا نوزا
ربنا يباركلك حبيبتى
وتروحى كل سنه
واحنا كمان

جزاكى الله خير واللله فعلا ياكد يكون قلبى يبكى من اشتياقه لزياره الكعبه ومسجد الرسول

بارك الله فيك اختى ورزقكِ الجنة

ماشاء الله لاقوة الا بالله
اللهم ارزقنا زياره بيتك العتيق
ولا تحرمنا العمره ولا الحج يارب العالمين
اللهم اكتب لنا جميعا الحج فى العام القادم
جزاكى الله الجنه حبيبتى ولاحرمكى الله أجر عملك الصالح
أحبكى فى الله

ربنا يوعدنا بزيارة البيت الحرام ومسجد الرسول (صلى لله عليه وسلم )
هذا الموضوع منقول ادعو للاخت المصورة الموضوع واشكركم يارب

اللهم اكتبها لكل مشتاااااااق

واكتبهالى يارب واكتبها لكى حبيبتى نوزا ونكون سوا ان شاء الله

يــــــــــــــــــاربــــــــــــــــــــــــــب
يارب يوعدنا وكل الحبايب يتقابلو هناك

‎‎
ربي لايحرمنا من هذا القلم الذهبي‎
دمت ودام قلمك‎
خالص الود‎
‎

جزاكي الفردوس الاعلى يارب

صور الحج السنادى على الموبايل 2010

صور الحج السنادى على الموبايل 2010

مواضيع مماثلة

مواضيع مماثلة