تصويت واستفتاء لتسهيل تحديد المشاكل الاسريه(حمله ستات هاتتغير بجد)

السلام عليكم ورحمة الله وبركاته
أخواتى وحبيباتى فى الله
أكيد لكل واحده فينا قصه مختلفه عن الاخرى
وكل عضوة موجوده معانا بتواجهها مشكله معينه فى حياتها متقدرش تبوح بيها لحد
أو ممكن تبوح بيها بس ده طبعا محرم دينيا
فحبيت أعمل حصر للمشاكل اللى بتواجهوها علشان على أساسها نطرح حلول عمليه لكل واحده
وبدون اى احراج لاى عضوة لان محدش هايعرف انك صاحبه المشكله
كل اللى عليكى انك تصوتى على الاختيارات اللى فى الاستفتاء علشان أقدر أحدد المشاكل بالظبط
وان شاء الله ربنا يعينا كلنا ونقدر نحل مشاكلنا بكل سهوله ويسر وحياتنا الزوجيه تكون جميله
أرجو من كل أخواتى المشاركات بالحمله انهم يختاروا اختيار من الاستفتاء ويكونوا حاسين ان دى اكبر مشكله فى حياتهم
والتصويت فى أعلى الموضوع
أحبكن فى الله
أختكم نانى

فكرة جميلة جزاكى الله كل خير.

بارك الله فيكى نانى

شكرا نانى وتم التصويت

معذرة بس فيه مشكله مش موجوده
الزوج اللى بيتدخل فى كل حاجة
حاكم فيه ازواج كده ميسيبوش حاجة تخرج من تحت ايديهم
انا شفت مشاكل قبل كده لستات مشكلتها ان جوزها بيتدخل علطول فى ادق تفاصيل امور البيت
غيرتى مكان الفازة دى ليه
شيلتى الكرسى من مكانه ليه
حطى المفرش ده مكانه
باختصار عامل زى مفتشين الامن الصناعى اللى يدخل يتمم على كل حاجة
والنوع ده كتير على فكرة
ويارب تتحل كل مشاكل النانيهات الحلوات يارب

انا عندى مشكلتين المشكله الاولى تم التصويت والمشكله الثانيه بدوم صوتى لام مريم

شكرا نانى جزاكى الله خيرا بس مفيش ولا واحدة من دول عندى ولله الحمد اصوت وخلاص ولا اية

راجية المغفرة كتب:: شكرا نانى جزاكى الله خيرا بس مفيش ولا واحدة من دول عندى ولله الحمد اصوت وخلاص ولا اية

لاء حبيبتى مادام معندكيش اى مشكله منهم الحمد لله خلاص متصوتيش

شكرا حبيبتى على مرورك

شكرا لكي ناني
وتم التصويت

اخت ناني انا ما عندي مشاكل الحمد لله
بس مشكوره على الخطوه الكبيره في المنتدى
للامام ان شاء الله

موضوع رائع
ربنا يبارك لكى ويجزيكى كل خير يااااااااااااارب

حببتى نانى
انا الحمد لله معنديش مشكله من دوول اعمل ايه ؟؟؟
بس طبعا انا مشاركه معاكم من اول الموضوع عشان استفاد منكم اكتر ان شاء الله

الله يباركلكم جميعا

انا مو متزوجة بعد يعني ما راااح اصوت
بس اشكرك يا الغلا عالالتتفاته الحلوة وعلى فكرة التصويت يعني هي راح تخلي الواحدة تخبر عن مشكلتها بطريقة عير مباشرة
باااارك الله فيك
و

جزاااك الله الف الف خير
تصويت واستفتاء لتسهيل تحديد المشاكل الاسريه(حمله ستات هاتتغير بجد) 78391

تصويت واستفتاء لتسهيل تحديد المشاكل الاسريه(حمله ستات هاتتغير بجد) 78391

حبيباتى تم اضافه تصويت اخر بتدخل الزوج بناء على رغبتكم
وشكرا لحبوباتى نور الهدى وسومى بنوتاتنا الحلوين
طبعا انتوا معانا ياقمرات ودى اعتبروها كدوره تدريبيه ليكوا على الحياه الزوجيه وتفادى المشاكل فيها
أحبكن فى الله

nany كتب:: حبيباتى تم اضافه تصويت اخر بتدخل الزوج بناء على رغبتكم
وشكرا لحبوباتى نور الهدى وسومى بنوتاتنا الحلوين
طبعا انتوا معانا ياقمرات ودى اعتبروها كدوره تدريبيه ليكوا على الحياه الزوجيه وتفادى المشاكل فيها
أحبكن فى الله

احبك فى الله اختى نانى
وفعلا كلامك عين العقل ده بمثابة استفاده كبرى لينا فى المستقبل ان شاء الله
دومتى متالقه اقبليها

يالهوىىىىىىىىىى
انا طبعا صوت هنا لان ماعنديش ولا مشكله من ال فوق الحمد لله
فقلت ماينفعش اخرج من غير ما اصوت فى اى حتة وخلاص
ربنا يوفق الجميع ويفك كرب المكروبين

والله انتى عسل ياام انجى
بتصوتى كده وخلاص لله والوطن تصويت واستفتاء لتسهيل تحديد المشاكل الاسريه(حمله ستات هاتتغير بجد) 203192

عسل بجد ياام انوووج
ياحبيبتى ربنا يبعد عنك الهم والمشاكل ياقلبى
نوور الهدى حبيبتى
ربنا يبارك فيكى ياقلبى
أشهد الله انى أحبكى فيه

انا صوت يا نانى
هي كانت مشكلتى غيرة زوجى الفظيعة بس دلوقتى خفت شوية خصوصا بعد ما ولادنا كبروا وكمان لما لبست النقاب
الموضوع خف كتير عن الاول ده انا في اول جوازى كنت عيشه في دمار شامل بس الحمدلله علي كل حال
المشكلة لسه موجودة بس مش بنفس حدتها في اول الجواز فيه برضه مشكله تانيه ممكن تكون موجودة عن ستات كتير وهي حب التملك
الزوج اللي يحب مراته تبقي له لوحده يبعدها عن العالم كله ومش عايز يشوف اهتمامها لاى شئ غيره وتدور في فلكه هو وبس
دى برضه مشكله بتسبب ضغط نفسي عند الزوجة فظيع دي مشكله حبيت اتكلم فيها واشوف وجهة نظركم فيها ايه
جزاكى الله خيرا حبيبتي وجعل عملك في ميزان حسناتك

تم التصويت يا نانـــــــــــي وشكرا" على الموضوع الرائع كان نفسي في هذا الشيء من أول ما سجلت في المنتدى بس يمكن أطرح عليك هذا الخيار

في بعض الازواج كسولين او بالمعنى الأصح غير مبالين غير مهتمين زي مثلا قد تكون في حاجة في البيت ولازم وضروري عملها يعني ما ينفع التأجيل لانها ضرورية وخطيرة على الاطفال وما ينفع تأجيلها

طبعا" الزوج يظل يماطل من يوم ليوم ولما تقع الفأس في الرأس يكون قد فات الاوان وتكون النتيجة الندم والحسرة ولو الذي تفتح عمل الشيطان .

من خلال هذا المقترح يمكن انك تصيغي نقطة على طريقتك وشكرا"

السلام عليكو بجد الموضوع وطرح المشاكل فكره حلوه جدا
انا صوت للمشكله الاولى بس هناك مشكله اخرى وهى فن الحوار
انا معنديش فن الحوار وهى دى مشكلتى مع زوجى هو مثقف جدا ودائما يضيق منى علشان معنديش فن فى التعبير والحوار
وارجو منكم ان تشاركونى فى الاراء

انا بضم صوتى لمشتاقه

لانى نفسى اللى بتقول عليه عندى المشكلتين

اعمل ايه فى حب التملك والغيره

تصويت واستفتاء لتسهيل تحديد المشاكل الاسريه(حمله ستات هاتتغير بجد)

تصويت واستفتاء لتسهيل تحديد المشاكل الاسريه(حمله ستات هاتتغير بجد)

مواضيع مماثلة

مواضيع مماثلة