اللانشون اللى بنشتريه من السوق تقريبا مافيهوش لحمه سواء كانت فراخ او لحم انا توصلت لطريقه لعمل شبيه للانشون الفراخ....هيعجبكم ..جربوه و ولادكم هيحبوه جدا..
نص كيلو صدور فراخ
بصله كبيرة
بيضه كبيرة
كوب بقسماط
2 ملعقه كريمه لبانى
توابل..قرفه ,قرنفل ,جنزبيل.فلفل ابيض.جوزة الطيب
ممكن ,اعشااب ..ممكن بابريكا ممكن مستطردة..حسب النكهه اللى بتحبيها ..اخترعى يا ستى نكهه خاصه
افرمى لحم الدجاج كويس و ضيفى عليه البصل و كله فى المفرمهو ابدئى ضيفى باقى المقادير لحد ما تتشكل عندك العجينه.شيليها من المفرمه..او الفوود بروسيسور.و انا هنا خلطت عليه شويه زيتون اسودهنشكل اسطوانه و نقفل عليها كويس بالفويل









.نغلى حله ميه و نحط فيها مكعب مرقه و ننزل فيها القالب بتاعنا... و نتركه يستوى.بعد تلت ساعه او نص كل حاجه هتكون تمام.طيب ..بعد ما خلص سيبته يبرد كويس و قشرت الورقه من عليه.



..و حبيت اديله نكهه مدخنه حضرت عده التدخين...فى صينيه اى صينيه...افرشى فويل و حطى عليه..شويه شاى و سكر و قرفه خشب و ملعقه عسل اسود..و حطيت شبكه و حطيت عليها اسطوانه الانشون..و غطيتها بفويل و شغلت الشواية...طبعا اخد قالب اللانشون لون جميل و ريحه مدخنه حلوة... و بس خلاص ,,,شيليه فى التلاجه و قطعى و اعملى سندوتشات

طريقة رائعة جدا هجربها

ياريت يكون فية صور

على فكره الطريقة حلوة جدا جدا على الاقل حاجة معمولة فى البيت وضمناها بس انا سمعت ان جوزة الطيب حرام لانها من المسكرات يعنى زى الخمر والكوحلات والله اعلم حبيت اديكم خلفية وجزاكم الله خيرا

طريقة سهلة وحلوة اوي
ان شاء الله هجربها لاني منعت دخول الالنشون البيت بعد اللي سمعته عنه
دلوقتي اعمله واجربه احسن من الجاهز
تسلم ايديكي يامؤمنة
جزاكي الله خيرا حبيبتي