فتة الزبادي <BLOCKQUOTE class="postcontent restore ">المقادير:
2 رغيف لبناني
1/2 كجم أرز
فرخة
ثوم
صوص الزبادي:
500 جم زبادي (علبة زبادي جهينة الكبيرة)
خل
ليمون
ملح و فلفل و بهارات
الطريقة:
بنسلق الفرخة, و بعدها بناخد الشوربة و يتعمل بيها الأرز, مقدار شوربة لكل مقدار مماثل من الأرز
العيش اللبناني يدهن بسمنة أو زبدة و يوضع في الفرن لغاية ما يتحمص
مفترض انه يسقى كمية بسيطة جدا من الشوربة, بس رأيي الشخصي نسمع كلام العميد و مانحطش عليه شوربة, لأنه بيطرى و بيفقد قوامه المحمص
العيش بيتكسر بحجم متوسط وبيتحط في قاع الصينية (أنا استخدمت بايركس عشان يتقدم فيها على طول)
و فوقه الرز
و أخيرا صوص الزبادي
أنا حطيت الزبادي و عليه ليمون و خل و ملح و فلفل و بابريكا خفيف و 3 فصوص توم مهروسة هرس جيد جدا, كنت فكرت أحط فيه فلفل رومي أحمر و أصفر بس مالحقتش, لكن شايفاها تجربة تستحق اننا نحط فلفل
صوص الزبادي بيتحط فوق الرز
و أخيرا الفراخ
أنا حمرت الفراخ بعد ما خليتها و قطعتها قطع متوسطة أو صغيرة في سمنة فيها فص ثوم مهروس
بعد كدا توضع قطع الفراخ فوق الزبادي و فوقها طبقة خفيفة صغيرة جدا من الزبادي ماتغطيش الفراخ تماما
و حطيتها في الفرن (ولعت الشواية بس) لمدة عشر دقائق
جربوها و قولوا بقى خبرتكم
![فتة الزبادي 35](https://2img.net/h/www.haridy.com/ib/images/smilies/35.gif)
</BLOCKQUOTE>