بسكويت السويسرول
بسكويت جميل شكلا و مذاقا
وسهل جدا
نفذته وعجبنى
المقادير
1 كوب زبدة لينه -تلات ارباع كوب سكر بودرة -1 بيضه - فانيليا - نصف ملعقه صغيرة ممسوحه بيكنج بودر -3 ملعقه صغيرة كاكاو خام -2 ونصف كوب دقيق
الطريقه
نخفق الزبدة مع السكر الى ان يصبح هش وكريمى
نضيف البيضه و الفانيليا ونكمل خفق على اعلى درجه فى المضرب
ننخل الدقيق والبيكنج بودر مرتين
نضيف الدقيق للخليط السابق و نعجن باطراف الاصابع
لحد هنا العجينه صفراء
نقسم العجينه قسمين متساويين
جزء نتركه اصفر
والجزء التانى نضيف له 3 ملاعق كاكاو خام ونعجن جيدا الى ان يتجانس الكاكاو مع العجينه
بكدة اصبح عندنا لونين : اصفر وبنى
نفرد العجينتين كل واحدة على شكل مستطيل سمك اقل من نصف سم على كيس نايلون وفوقها كيس نايلون بيسهل الفرد جدا والسطح بيكون متساوى
بحيث يكون المستطيلين متساويين فى الابعاد بالضبط
نضع المستطيل البنى اللى بالكاكاو فوق المستطيل الاصفر ونضغط بخفه باليد على المستطيلين
نبدا نلف المستطيلين معا زى ما بنلف السويسرول باننا نلف العجينه بمساعده طرف النايلون اللى تحته ده بيسهل اللف
(بنزق بيه العجينه من غير مانمسكها بايدينا)
طبعا مش هانلف العجينه كلها مرة واحدة
نلف لفتين ونقطع العجينه ونقفل الطرف
ونبدا نلف اسطوانه تانيه و هكذا علشان حجم البسكويته النهائى يبقى معقول مش كبير
نقفل الطرف كويس
ندخل الاسطوانه الثلاجه حوالى ساعه
نطلعها ونبدا نقطعها بالسكين على سمك اقل من ا سم
نضعها فى صينيه مبطنه بورق الزبدة
ونخبز الوحدات على حرارة 180 لمده حوالى 25 دقيقه
بحيث القاع يكون اشقر ولا يتغير لون وجه البسكويت
جربوة هايعجبكم جدا
موضوع: سويسرول بسكتس .. بسكويت السويسرول... لذيذ وسهل 
الإثنين ديسمبر 07, 2009 2:37 am
