بناءا على رغبة جميع أعضاء منتدى سوبر نانى





تم اختيار سوبر نانى ضيفة كرسي الاعتراف للاسبوع ده


اولا طبعا ياطنط ام مهند
انا متأسفة انى انا اللى عملت الموضوع
ولكن هطق لو ماانا اللى كتبتة واول واحده كمان تسأل

فسوري اسمــــــــــــــــــــــحي لي






نووووووووووووووووووووووووووووورك هل يانانى


مش عاوزين رحمة يانانيهات


دي سوبر نانى


يعني الفرصة بتيجي مررررررررررررررة واحده في العمر

هههههههههههه








وكمان كرسي بتاج لانك ملك ياضيفتنا العزيزة

اهلا وسهلا بالبيج بوص نتمنى لكى قضاء وقتا سعيدا معنا
لى رجعة

1-اسمك المستعار ؟

2-سبب اختيارك لهذاالاسم ؟

3-الهوايات ؟

4-افضل شهـر بالسنه والسبب ؟

5-حلمك في الحياة؟

6-أجمل سنوات مرت عليك؟

7-البرامج المفضلة؟

8-شخصيتك ( عصبي ، رومانسي ، ....... )؟

9-اجمل بلد زرتها ؟

10-ماهو لونك المفضل ؟

11-من هو مثلك الاعلى ؟

12-ماهي حكمتك بالحياة ؟

13-ماالذي يحزنك ؟

14-ماالذي يغيظك ؟

15-ماالذي يفرحك ؟


مــاهــو الشــئ الذي ندمــت علــي عمـلــــه؟!16؟

-17كـلمـــة تمنيـــــت ان تسـتطيـــع سحـبهــــا؟

18 -آخـــر شخـــص تتـــذكــــره قبـــل أن تنـــــام؟

شخص لاترفض له طلبا19-

20- مالذي يشعرك بأكثر قدر من الحرج...

اية رأيك بمنتدى سوبر نانى ؟؟؟



مين الاعضاء المتميزات والنشيطات ولاتقولي كلهم نشيطات ؟؟؟!!!




اية رأيك بقسم كرسي الاعتراف ؟؟؟



عندك كم بنت ؟؟ واسماءهم ايه ؟؟



اية لونك المفضل ؟؟؟



الاكله اللى بتحبيها ؟؟؟



اكتر مكان بتحبي تذهبي اليه ؟؟؟





ايه امنيتك في الحياة ؟؟؟؟




اكثر عضوة بتعتمدي عليها في غيابك ؟؟؟



اكثر حد بتحبية في الحياة طبعا بعد الله سبحانه وتعالى ورسوله ؟؟؟






الاعضاء .:..عبري عنهم في جملة والمشرفات والاداريات كذالك ؟؟؟؟






كمــــــــــــــ طولك ياجمييييييييييييل ؟؟؟؟




شوفتي انا حنينة عليكي ازاي يانانى ياروحي

ردي بقى يا سكرة



مش عاوزة اوصي يا نانيهات دي نانى يعنى اتوصوا بيها على الاخر

ازيك اسوله
لا يا حبيبتى ما فيش زعل ولا حاجة طالما حاجة فى مصلحة المنتدى
انا موافقه طواااالى
وايه المفاجئة الحلوة دى
البج بوص

نورتينا يا نورتنا وان شاء الله همخمخلك كدا فى عشرميت تلتميت
سؤال كدا على الماشى

ليا عوده

فاااااصل ونتواااااااصل


مووووووووووووووووووووه

ايوة راح ابهذلك بالاسالة

هههه



امممم


هل انتى راضية بوزنك


تعتبرين انك زوجة مثالية

من هو او هى اقرب واحد فى حياتك

ايش الى ندمتى علية

هل انتى فعلا سوبر نانى فى البيت

بما انك مقيمة فى السعودية فما رئيك باهل السعودية

وبس

اخيرا سوبر ناني فكرسي الاعتراف


ياللا هذي اسئلتي


من هي سوبر ناني



كيف بدات معك هذي الفكره
و ماهو سبب اختيارك لهذا الاسم لمنتداك

ومن اللي تعتبرينه -بعد الله سبحانه وتعالى-سبب في ان المنتدى
شاف النور


كم ساعه تقضينها على النت في اليوم


هل انت راضيه على اللي انت عليه الحين


هل مررت بتجربه في حياتك خلتك تعيدي التفكير في اولوياتك وفي مبادئك
واذا كان فايش هي


ايش هي امنيتك في الحياه

متى تكونين راضيه ومرتاحه عن نفسك




خلاص للان لكن لي رجعه بعدين
واتمنى تكون الاسئله خفيفه عليك

دى مش أسئله
ده انتقااااااااااااااااااااااااااااااااااااااام
حرااااااااااااااااام دنا غلبااااااااااااااااااااااااااااان
منك لله ياللى فى بالى تدبيسه اللى هى
لى راجعه بأذن الله لان داخله الاسئله صعبه بدايتها 20 سؤال من حبيبه قلبى راجيه
ليه كده ياراجيه دنا بحبك والله 20 مره واحده

راجية المغفرة كتب:

1-اسمك المستعار ؟
nany
2-سبب اختيارك لهذاالاسم ؟
إسمى الاول كان سوبر نانى وكنت مستتقلاه فاإختصرته وخليته نانى أسهل
3-الهوايات ؟
القراءه والمطالعه والنت والكروشيه
4-افضل شهـر بالسنه والسبب ؟
شهر رمضان لانه شهر كله خير ورحمه
5-حلمك في الحياة؟
إن ربنا يستعملنى ولا يستبدلنى فى فعل الخيرات ويكون ليا نصيب من الشهاده و الجهاد فى سبيل الله فى تحرير فلسطين لانى حاسه ان الحلم ده قرب قوى لانى حاسه ان انتفاضه الشعوب العربيه فجأه وكلها مع بعض مش اعتباطا دى بتدبير من ربنا سبحانه وتعالى وكمان فيه ميعاد متفق عليه للزحف لفلسطين فى شهر 5القادم مش عارفه هل تعرفوا القصه دى ولا لاء لكن هو ده حلمى
6-أجمل سنوات مرت عليك؟
أكيد سنوات الطفوله والبرائه لان الواحد مكنش شايل هم لحاجه
7-البرامج المفضلة؟
البرامج الدينيه عامه فى قناتى الرحمه والناس وكنت مهتمه جدا ببرامج التوك شو لكن للاسف لقيتها بتدس السم فى العسل حاليا ومستخدمه فى الثوره المضاده فمبقتش أهتم بيها قوى وبتابع الاخبار على الفيس بوك وتويتر وبعض القنوات الاخباريه
8-شخصيتك ( عصبي ، رومانسي ، ....... )؟
رومانسيه حالمه
9-اجمل بلد زرتها ؟
المدينه المنوره ومكه المكرمه ومؤخرا زرت دبى والشارقه وعجبتنى دبى جدا
10-ماهو لونك المفضل ؟
الموف والبمبى
11-من هو مثلك الاعلى ؟
محمد صلى الله عليه وسلم ويليه الشيخ محمد حسان ويليه الدكتور إبراهيم الفقى
12-ماهي حكمتك بالحياة ؟
لا شيء في الوجود
يرفع قدر المرأة مثل العفة
2-يــا نفسى تُـوبــى .. قبل أن تعودى إلى رَبَّ العِباد و معكِ الذنوب ،،
ستُسألين عن عُمر ملأتـه الذنوب .. و عِلم أدركتـه شوائــب الركود ،،
مــاذا تقولى لِـرب العِباد .. إذا كان الأعضاء هُـم الشهــود !!
3-اعمل وعش لخدمة الآخرين حتى يصير العالم أفضل قليلاً من الصورة التي وجدته عليها حين ولدت.

13-ماالذي يحزنك ؟
يحزننى حال الامه الاسلاميه ولكن الفرج قريب بإذن الله تعالى
14-ماالذي يغيظك ؟
حاليا غايظنى كل من يسب شيخا وعالما جليلا بسبب السياسه وخوفهم من الدين
15-ماالذي يفرحك ؟
بتفرحنى ابتسامه طفل أو أى حركه عفويه يعملها وبفرح بقيام الليل وبفرح لفرح أى أخت ليا فى الله

مــاهــو الشــئ الذي ندمــت علــي عمـلــــه؟!16؟
حاليا بصراحه مش متذكره معلش السهر بقا
-17كـلمـــة تمنيـــــت ان تسـتطيـــع سحـبهــــا؟

18 -آخـــر شخـــص تتـــذكــــره قبـــل أن تنـــــام؟
أنااااا لانى بحاسب نفسى كل ليله قبل مابنام ودى أخر حاجه بعملها بعد مابقول أذكار النوم
شخص لاترفض له طلبا19-
زوجى

20- مالذي يشعرك بأكثر قدر من الحرج...

السؤال الدائم لجاراتى انتى فين يابنتى محدش بيشوفك ولا يسمع صوتك ليه

أنا عايزه قرص مهدئ بعد ماراجيه عصرتنى فى الاسئله
تحـــــــــــــــــــــــــــــــــــــذير هــــــــــــــــــــــــــــــــــــام
اللى هايسال أكتر من مره هاحظره لانكوا أشرار ومصدقتوا انى وقعت تحت ايدكم

أسيل كتب:

اية رأيك بمنتدى سوبر نانى ؟؟؟

من وجهة نظرى الشخصيه شايفاه منتدى بيحترم عقليه المرأه العربيه


اية رأيك بقسم كرسي الاعتراف ؟؟؟

قسم لذيذ وبيخلينا نقرب من بعض كعضوات أكتر ونعرف شخصيات بعض

عندك كم بنت ؟؟ واسماءهم ايه ؟؟
الانسه عامله فيها مش عارفه ماااااااااااشى
رزقت بــــــ رؤى 6سنوات ونصف وجنى 3سنوات ونصف


اية لونك المفضل ؟؟؟
الموف والبمبى والاسود نسيت أقوله لراجيه


الاكله اللى بتحبيها ؟؟؟
بلاش ندخل فى الحوادق علشان حرب المش بتاعه أم مهند هههههههههه
بحب المحاشى عامه والمكرونه بالبشامل والكوسه بالبشامل


اكتر مكان بتحبي تذهبي اليه ؟؟؟

عشق قلبى فى مكه المكرمه والمدينه المنوره



ايه امنيتك في الحياة ؟؟؟؟
جاوبتها قبل كده ياحاجه



اكثر عضوة بتعتمدي عليها في غيابك ؟؟؟

الاداريات

اكثر حد بتحبية في الحياة طبعا بعد الله سبحانه وتعالى ورسوله ؟؟؟


فيه كتير مينفعش يختصروا فى شخصيه واحده (زوجى-بناتى-والدى ووالدتى-إخواتى-حضرتك طبعا-صديقات مشفتهمش خالص فى الحقيقه لكنهم أخوات ليا بجد ومعرفهمش الا عن طريق النت ومعظمهم هنا فى المنتدى)



الاعضاء .:..عبري عنهم في جملة والمشرفات والاداريات كذالك ؟؟؟؟


أخواتى وحبيباتى فى الله
ويكفى انك تعرفى انى كنت هاقفل المنتدى كذا مره بس تراجعت علشان خاطرهم ولحبى الشديد جداااااااا ليهم



كمــــــــــــــ طولك ياجمييييييييييييل ؟؟؟؟


معرفش بجد ياسوسه

شوفتي انا حنينة عليكي ازاي يانانى ياروحي

ردي بقى يا سكرة

ان شاء الله لو ربنا كتبلى أجل أول حاجه هاعملها لما أنزل مصر وأشوفك انى أخنقك

مش عاوزة اوصي يا نانيهات دي نانى يعنى اتوصوا بيها على الاخر

من غير ماتوصيهم ياحنينه واضح ان عندهم دوافع قويه للانتقام

[quote="ام ليان"]ايوة راح ابهذلك بالاسالة

هههه



امممم
كده برضه ياأم ليان دا انتى حبيبتى وافتكرتك هاتكونى حنينه عليا

هل انتى راضية بوزنك

أكيد لاء بس ده لانى عندى سكر منخفض وسكرى دايما بينزل ولازم باخد سكريات علشان بكون تعبانه جدا من انخفاضه بس بدأت ريجيم من أمس ومعاها أعشاب تخسيس والله المستعان
أنا وزنى الزايد مش كتير بس بأهل نفسى علشان لو حصل حمل مثلا ان شاء الله مزدش أكتر من الازم
تعتبرين انك زوجة مثالية
لاء طبعا بس بسعى انى أكون كده
من هو او هى اقرب واحد فى حياتك
زوجى
ايش الى ندمتى علية
ندمت على كل لحظه فى أجازتى فى مصر مشفتش فيها والدتى
هل انتى فعلا سوبر نانى فى البيت
بحاول قدر المستطاع انى أكون كده فى تربيه بنوتاتى وأربيهم بطرق حديثه وأغرس فيهم حب ربنا والنبى صلى الله عليه وسلم والجنه والصحابه وأمهات المؤمنين والاسلام وكره اليهود
بما انك مقيمة فى السعودية فما رئيك باهل السعودية
وبس
بصراحه أنا مختلطتش الا بالسعوديات اللى هنا فى محل إقامتى وبصراحه بجد طيبيين جدا وودودين قوى وده لمسته فى مواقف كتيره جدا حتى مع سعوديات معرفهمش قبل كده لكن لمجرد انمك تقابليهم فى المسجد مثلا أو فى المدرسه عند بنتى فى مجلس الامهات بشعر معاهم بمنتهى الود ودايما فيه ابتسامه جميله على وجوههم
الحاجه التانيه بقا ودى على مستوى الرجال
بصراحه بكون سعيده جدا لما بشوف رجال هيئه الامر بالمعروف والنهى عن المنكر بحس ان فيه أمان وفيه ناس حريصه على دينها وعلى الناس اللى فى الشارع
وكمان بكون سعيده بعربيات الشرطه الكتير اللى بتمشى بصفه مستمره فى الشوارع وبحب احترامهم للراجل اللى معاه زوجته فى العربيه دايما ملاحظه الحكايه دى ان اى واحد معاه زوجته وأولاده فى العربيه مبيوقفهوش نهائيا حفظ الله المملكه من كل سوء وحماها الله من الشيعه الضالين المضلين

[quote="عيالي بهدلوني"]

اخيرا سوبر ناني فكرسي الاعتراف

مش بقولكوا حاسه انه انتقام وكلكوا فرحانين فيا ههههههههههههه

ياللا هذي اسئلتي


من هي سوبر ناني

سوبر نانى دى مربيه أطفال فى برنامج متميز عن التربيه كان بييجى على قناهmbc4

كيف بدات معك هذي الفكره
و ماهو سبب اختيارك لهذا الاسم لمنتداك
بدأت الفكره لما حبيت أعمل منتدى نسائى مختلف عن الموجود حاليا وفيه معلومات تعين الام على تربيه أبنائها بطرق حديثه ومفيده واختيارى للاسم مستوحى من البرنامج لانه متميز جدا فى تربيه الاطفال وبيقدم طرق وأساليب للثواب والعقاب وشكل جديد لتربيه طفل سوى
ومن اللي تعتبرينه -بعد الله سبحانه وتعالى-سبب في ان المنتدى
شاف النور


كم ساعه تقضينها على النت في اليوم
المتوسط تقريبا 10 ساعات فى اليوم

هل انت راضيه على اللي انت عليه الحين

أكيد لاء لان كل انسان دايما بيتطلع للافضل
هل مررت بتجربه في حياتك خلتك تعيدي التفكير في اولوياتك وفي مبادئك
واذا كان فايش هي
بصى ياستى أنا عندى دلوقتى 27سنه و اتخطبت وأنا صغيره شويه 18سنه وكنت بلبس حجاب عادى وحسيت بعدم رضى خطيبى وقتها وزوجى حاليا عن حجابى لانه طرحه صغيره ووقتها كنت بلبس لبس ضيق شويه مش مجسم بس ضيق لما حسيت انه زعل وان دى اهانه ليه قررت انى البس الخمار وشافنى فجأه بيه وكان فى قمه السعاده وبعد الزواج بسنه ربنا رزقنى النقاب والحمد لله رب العالمين دى كانت نقله نوعيه فى حياتى كلها والنقاب ده كان رغبه شخصيه عندى وناقشت زوجى فيها لحد ماأقنعته بالفكره والحمد لله وربنا يثبتنى ويميتنى عليه لانه اذا كان فرض فخلاص أنا لبسته وان كان فضل فأنا لست فى غنى عنه
ده فضلا عن انه تشبه بأمهات المؤمنين رضوان الله عليهن

ايش هي امنيتك في الحياه
أمنيتى فى الحياه إنى أصلى فى المسجد الاقصى زى ماربنا يسرلى الصلاه فى الحرم المكى والنبوى
متى تكونين راضيه ومرتاحه عن نفسك

لما بداوم على قيام الليل ووقت مابعمل أى طاعه فى السر لان بيكون ثوابها أكبر


خلاص للان لكن لي رجعه بعدين
واتمنى تكون الاسئله خفيفه عليك


ايه ده هو لسه فيه تااااااااااااااااااانى

أنا رايحه أنام ولما أرجع بإذن الله ولانكوا طيبين وحلوين مش هلاقى أسئله جديده
صح صح صح
ياخوفى منكوا

ههههههههههههههههه

يا حبيبتى يا نانى

دول مصدقوا يا حبيبتى

رجعالك تانى

ههههههههههههههههههههههه بجد مش عارفه اقولك ايه بالظبط بس بجد بجد صعبانه عليه
طبعا نسيت اقولك نورتى كرسى الاعتراف اصل الهجوم اللى انا شفته خلانى اموت من الضحك مش عارفه والله انتى عامله فيهم ايه نانى
على العموم يا ستى الاسئله اللى كان نفسى اسالها لك لقيت اجاباتها من اخواتى العزيزاتوانتى اجبتى عليها فبصراحه حرام مش هسال تانى كفايه عليكى اختك العفريته العسوله اسولتى
ربنا يخليكو لبعض يارب وللمره التانيه نورتى كرسى الاعتراف وربنا يعينك عليه وعلى اللى بييجى من وراه....هههههههههههههه

حرام عليكى يا اسيل
وبعدين بلاش انتى احسن نانى مستحلفالك
وبعدين كل المنتدى عليها يعنى بصراحه صعبت عليا فكفايه بلاش انا المره دى حرااااااااااااااااااااام

انا باعيط مكانك يا نانى اهه

ا

امممممممممممممممم
الظاهر ان نانى اساسا هربت من الاسئلة

انا هكتفى انى اقولك منوره كرسى الاعتراف
من الواضح ان الاعضاء قيمين بالواجب وزياده
اتمنى لكى اقامه سعيده

ربنا يوفقك نانى ويعينك بس بجد انتى انسانة جميلة ربنا يكرمك ويحقق امانيكى

مش لما ترد سيادة المديرة العامه
ايهخ يامديييييييرة مش موجود عندك اجابات ولاايه

ردي يــــــــــــــــــــــــــــالــــــــــــــــــــــــــــاـــــــــــــــــ

المديره هربت يا جماعه
بجد انا لو مكانها هعمل كده
ههههههههههههههههههههههههههه

الظاهر اننا اخترناها في الوقت الغلط

معليش يا ناني

جاوبي على الاسئله هذي
ونعفيك من تكمله الاسبوع هذا

ونكمل معك فوقت ثاني



لكن الاسئله الموجوده حاليا لازم تجاوبي عليها

خلاص
هههههههههههههه


معليش يا جماعه خلاص محد يحط اي اسئله ثانيه لناني

لان الوقت مو مناسب
وهي مشغوله مره وحده

هههههههههههههههههههههه يانهار أبيض كل ده
أنا نسيت أساسا انى معتقله على كرسى الاعتراف
بس فيه أسئله شريره حبتين هههههههههههههههههههههه
بجد والله العظيم انتوا أحلى إخوات وبحبكم ومرتبطه بيكم كلكم جداااااااااا
وبشكر كل واحده حنينه مسألتش هههههههه
عامه أنا هارد على الكل حالا لانى رايحه النهارده بإذن الله عمره
وهاغيب عنكم لحد يوم الثلاثاء بإذن الله تعالى
كان نفسى نكون كلنا سوا فى الحرم بس ان شاء الله ربنا يكتبهالنا مع بعض قريب بأمر الله تعالى

انا سؤالى هاتنسينى بالدعاء ولا هاتفتكرينى؟

الف مبروك حبيبتى وان شاء الله عمرة مقبولة حبيبتى

وانا حبيبتى هعافيكى من الاسئله
بشرط تدعيلى احج او اعتمر السنه الجايه
وربنا يتقبل ان شاء الله